مساجله شعريه.... ادخل وجرب

[الطلحي2000]

صفاتي صفات الذيب في خـــــــــالي الريعان

....................................عواه يلج تالي الليل لين الفجر سهراني

صفاتي صفات الفارس بخيله في حمى الميدان

................................يسيربخطوة الواثق ويفهم كـــــل ميداني


ميداني

[سيف الود]

ميداني العز وانا للعز حمّال=ولا قيل ( أيمن هلّ ) الكل تعزوا بي
والنعم بك يا طلحي كلمةٍ تنقال=حقٍ علينا نوصلها لربع الاجوادي

[الطلحي2000]

الأجواد هم ربعك وربعي مثلهم ياصاح

.....................................ونعم ألفين ماهلت على الأوطان وسميه

هلاوالله عدد ماتكتب الأقلام بالألواح

....................................لصقر المنتدى مني ســلام واجمل تحيه


تحيه

[الخزامه]

تحيه للي من نخيته ماتأخر..تحيه للقلب الي يضحك ومايعرف يتكدر

[الطلحي2000]

يتكدر الخاطر لياغــــاب غاليه

.................................ميرأتسلى بالشعر والقــــــوافي


لوالود ودي كان بالعين افديه


..................................الصاحب اللي يوم ماكان جافي



جــــــــافي

[الخزامه]

جافي خفوق بلعشق ماتعمر..مثل الصوان لازرعته مايثمر

[الطلحي2000]

مايثمرالطيب في اللي مايعرف الطيب
........................................لكن من كال كيله يلقى شرواها
إن كان قلب الفتى ماهــوعليه رقيب
.......................................الله يعينه على نفــــسه وبلواها



بلواها

[الخزامه]

بلواها نفس عانت وتعنت..للي تترتجيه صد وماطراها

[الرعبوب]

طاريها/ ليا مني ذكرته/..... أحترق// ملهوف
مثل طاريك يا خزامه /..........احبه بس ما احبك
ترى لو قلت/ ما احبك /ابكذب /دامني مشغوف
وانا ما احب اقول الحب ........خليها على ربك


(( ربك))

[سيف الود]

ربك اللي خلق للشكل امثال وامثال = لكن فرق ما بين الطيب والردي
العين لا عافت عن الشوف رجال=اعرف انه ردي وفبعده تهتني