صباحك اندومي :)
فيصل حبيب ألبي <<تخيل عاد ..يمني و عايش عند بدو الرياض ويقول حبيب ألبي
ما علينا فيصل ...بما اني رااااايق ..جاي اقولكم نكتة على ما اظن انها مغبرة
يقولك
في غابات الامازون كان هناك نمر ( بن كلب )
كل ما شاف هالقرد المسيكين ...قاله : تعال يالهيس
ويجي هالقرد المسيكين : نعم طال عمرك
النمر : ليش منت لابس طاقية ؟؟؟
وبالنهاية يمسكه ويمردغه ويمردغه الين ما يأذن هالقرد الضعيف
وعلى هالموال ...
كل ما شاف هالنمر الاقشر ..هالقرد الضعيف ..يمغطه ..والسبب ( ليش منت لابس طاقية )
قفلت مع القرد وقرر يروح للأسد
قال للأسد : يا أسدنا ...الحين انت ملك الغابة ..ولا ما عندك احد ؟
عصب الاسد : وش تحسبه انت وراسك ...صحيح اني معطيك وجه بس لا تذب الميانة ..
ملك وغصبن عن خشم امن جابتك
القرد : طيب ياخوي شف خويك ذا النمر ..مصدق انه شريخان وشاد حيله علي ...
كل ما شافني ابلشني ..
ليش منت لابس طاقية ليش منت لابس طاقية ..وقام يمغط فيني ...
ياخوي كلمه شفله حل..... راسي وانا بكيفي ألبس ولا ما ألبس ...
ياخوي أصلا راسي مدور و شعري كدش ما تصلحله الطاقية
الاسد : ياليييييل ذا اللزقات ...خلاص عاد ..ضف وجهك وانا بأتفاهم معه
راح أسدنا ملك الغابة لشريخان الغفلة
اختصر الاسد الكلام وقاله :
ياخوي انت وش بلاك على هالقرد الضعيف ...
النمر : تبي الصراحة ..شكله يمغص بطني ..يعني بالعربي ودي أصفقه
الأسد : طيب يابن الحلال ..مثلك عارف ..بيجي يبلشني ويستفزع فيني ..
وعاد انا ملك الغابة ..مالها داعي اسحب عليه
النمر : طيب والحل ؟
الأسد : انا اقولك حل ....شفلك اي تصريفه غير تصريفتك النايمة ( ليش منت لابس طاقية )
يعني مثلا ...خله يجيبلك تفاحة ....وإن جاب خضراء ..قله ليش ما جبت حمراء ...
و إن جاب حمراء قله ليش ما جبت خضراء ...وصفقه براحتك
النمر : ما طلبت شي ..تامر امر
وبعد فترة النمر وهو يتمخطر بالغابة ..( قز ) القرد ...ناداه :
انت يا الشمبانزي ...يا قرد ...تعال لابوك لابو الكلب
القرد : نعم يابو الشباب
النمر : اقول ...رح جبلي تفاحة
القرد : ابشر ...بس ما قلتلي ..
تبيها حمراء ولا خضراء ؟؟!!!!
النمر : ليش منت لابس طاقية ؟؟!!!!
العرض العادي
