لا تحسب اني يا اريش العين ناسيك
و اللي فرض معزتك .. ما نسيتك
أغليك جدا .. و أيضا الروح تغليك
لو انها تهدى الحياة لهديتك
و ان غاب مرسالي ترى الروح تطريك
و ان جاك مرسالي تراني قريتك
دعج العيون المهلكة في معاليك
جارت على مكتوبي .. ترحمه ؟ ليتك
اعجبتني بطيبك و حاولت أجاريك
معجب انا يا صاحبي من لقيتك
هذا شعوري ينتفض بين أياديك
خايف تشك بمقصده .. و ما هقيتك
و هناك كلمة صادقة قلتها فيك
بلهجتي أقولها لك .. فديتك