.. ~ {لو ع ــندكـ قطعة فـحـم .. وش تكتب ع الجــدآإاأآر} ~ ..

[عاشق الأحساس]

التمادي بالجفا ماهوب عادي
لا وربي يذبح القلب ويعله
لاتقول انك على الفرقا تقادي
لاتقول الوصل دربن ماتدله
الدروب اميسره تبغا اجتهادي
والجمر منته بمجبورن تشله
هيه ياللي موتك اهون من بعادي
ياللي القولك تسند بالادله
شفني اليوم اعتلي صهوت جوادي
والهواء والشوق مرمين محله
مشمل وقلبي لها البيدا تنادي
عاشقن مبطي وهو ماشاف خله
شدني بارق وعلمن له وكادي
والوكاد اني غبشت وقاصدله
ودي الحق دام هاك الجو هادي
دام محدن دق سلف اموجه له
شفقن السجه معا نود البرادي
مايصاحبني سوا مركا ودله
اضبط ابكيفي وازيد ابها القنادي
واتأمل بالطبيعه واحمد الله
وانت ياللي تتبع نهج التمادي
ياعسى دربك بساتينه مضله
قربك اصبحلي مثل سهم البلادي
دابلن كبدي ولاني بحاجتله
والتمادي بالجفا امر اعتيادي
والمقفي ماله ابقربن يذله
صاحبك قفا وزاد ابه العنادي
يوم شاف اللي عيونه شفقت له
يافهيم افهم وخذ مني اعتمادي
والله ان يبطي خفوقي ماتوله

[Ŗờờ7 έήŠấń❥]

يذكرني عن الغربه مع فرقاء اعز الناس
سفينه تايهه بالموج
تبحث عن مؤانيها ذكرتك يوم ودعتك
وضاعت منى الانفاس
بكت عيني على فرقاك ولكن من يواسيها
توارت افراحي باقدام الآلم تنداس
اداري دمعه هلت وروحي من يداريها

[({ همس الغروب} )]

لا تسألوني عن سبب رحلتي ليه
يكفي من الحبايب تعذبت ياناس
وش لي فدنيا مابها من اثق فيه
دنيا ردية كلها أنذال وأنجاس
حتى أعز الناس خاب الأمل فيه
دامه رضالي الدمع فكل مجلاس

[خفايا أشواقي]

تموت البسمات

وتجف الدمعات

وتبقى الذكريات .. ،!

[تمثالـ الح ـب]

الهوى ما يقبل أنصاف الحلول ،،، يا نصير .. أو يا حبيبي ما نصير

[Ŗờờ7 έήŠấń❥]

ابيع مايغلى على الكون واشريك..
واسوق لى جتني علومك بشاير
وازعل جميع الناس بالحيل وارضيك ..
واصبر ولو دارت على الدواير
واخذ من ايامي لك ايام واعطيك..
وان راح عمري لك فلاهو بخساير

[عاشق الأحساس]

مرّات أحس الضيق يتعمّد الضيق
ومرّات أحسّه ما يفـارق كيانـي


من سبّته ذبّيت روس الشواهيـق
أدلّه الخاطـر .. ومحـدٍ وزانـي


الا خيال اللي سكـن بالمعاليـق
قفّى وروّح يا عسى مـا نسانـي


كل ما تذكرت اللقـا والمواثيـق
وكل العهود إنّـي أبيـه ويبانـي


ضاقت بي الديرة وضاقت بي بقيق
ما يدري إنّه في فـوادي كوانـي


زبدة كلامي .. جعْل دربه توافيـق
الحب يبقى والعمر .. عمر فانـي


بتحمّل فراقـه وبتحمّـل الضيـق
من غيره اللي ساكـنٍ بالمحانـي

[خفايا أشواقي]

صعـب تفقد من تعزهـ .. وصعب تعيش الفرحة بغياب من تمنيت قربه ..

أشخـاص عشت معهم العمُر ،، بلمح البصر .. تفتِح ويختفون ..!

[عاشق الأحساس]

يام را يوم تصافق جناح بجناح
والليل أقبل ع الخلايق سواده
البعض مثمل منتشي والبعض طاح
والبعض عايش في هنى وفي سعاده
وانا ضواني الليل بهموم واجراح
من زود مابي خاصمتني الوساده
لانوم يهنالي ولا زاد لي ساح
يام را قلبي كيف يبلغ مراده
لاني بسايح بين لقروب سوّاح
ولاني من اللي ياخذ السهر عاده
أسهر مع الذكرا على عود فوّاح
والبن أزيـّد في دلاله قناده
روحي تنادم بالذكر طاهر أرواح
يوم الهوى طاب وضمنت اعتماده
ياما سريت وذقت من صافي الراح
لبـّست ليل الانس ثوب وقلاده
ياويح قلبي وين وقت الهنى راح
وين الزمان الاولي مع وداده
يابوخميس الامس قفـّى بالافراح
ياللاسف راحت خزاين حصاده
ان مرّت الذكرا أسجـّع بالانواح
واخفي ونيني عن اصحاب الحقاده
أخاف يشمت بي حسود ٍ وفضـّاح
ويعرف سدودي سيدات ٍ وساده
الثوب من يقصر أخلّيه وارتاح
ماألبسه ولا أعتني في مزاده
ياما رفيت افتوق والسد ماباح
وعالجت جرح ٍ يستحق الاشاده
واليوم هاف الزرع والماي ضحضاح
ماعاد لي في محضر الشين راده
البدر ياه الغيم والفجر مالاح
والشمس غطـّاها السحاب بسواده
الطير غرّد من على غصنه وناح
ااااه يالفرح أعلن حداده

تصبحون على خير

[خفايا أشواقي]

................

الأصدقاء الحقيقون

يصعب إيجادهم

يصعب تركهم

ويستحيل نسيانهم

........