1- إن عاش راسي واسعفتني سنيني
لروي ظما قلبي بقربك واهنيه
ولو يزرعون الغام بينك وبيني
نذر علي لامشي الدرب واطويه
واشيل روحي فوق راحة يميني
وابيع عمري لجل شوفتك واشريه
****************
2- شخص الا منه مضالي معه يوم..
اندم على ايام مضت قبل مالقاه..
احتاج له لاصار في صدري هموم..
ولو ينكسر ساقي تسندني يمناه..
جعل المعزه بيننا دايم الدوم..
هذا"الحبيب" اللي من الصعب تنساه!
****************
3- كم من حبيب عن حبيبه تخلى
هذا نسى حبه وهذا مفارق
والا انت حبك بالضماير تولا
واخذ على قلبي عهود ووثايق
واستبشر الخاطر بحبك وهلاّ
بشرى السجين بيوم فك الغلايق
سوالفك من سمعها مايملا
ينسى العنا والهم لو كان ضايق
****************
4- مهما الخطاوي عن بعضنا تباعد..
تبقى"المشاعر"للتلاقي مواعيد
ومهما تباعدنا لزوم نتواعد
بعدك عذاب وشوفتك عندنا عيد