جيتك ودمعي زهر والخد بستان
علم العذاب منهج ٍ في جبيني
هذا عاشق قبل ما يعرفك كان
على شفا يأس ٍ مكبل يديني
شوف العرب واجد ولا غيرك انسان
يفهم مشاعر دمعتي وسط عيني
لله درك كيف ازعجت الاحزان
دقيت ناقوس الامل في سنيني
واصبحت واحد من ثقيلين الاوزان
الله وامي والوطن وانت فيني
شدة حنانك يشتكي منْه شريان
حطك وداعه بين قلبي وبيني
تدري وش اصعب من تناهيد سهران
انك تجي من عقب غيبه تبيني
تدري وش اعظم حب يسكن بالابدان
ناظر عيونك في مرايه وجيني
العرض العادي
