لك يوم يا حارم عيوني من النوم
نفسي أشوفك تسهر الليل حسره
ليت الهوى في داخلك يشتعل يوم
ليـتـك تحس الـوجـد لـو بـس مره
كافي تعيش افراح وأعيش بهموم
كـفـك بـوسـط الماء وكـفي بجمره
مدري الآقـيها من الحكي واللوم
ولا الآقـيها مــن سـنـيـن مـره
الحظ لامن طاح وشلون بيقوم
ما كـل مره تسلم الكسر جره
كنت أحسبك من فرحة العمر محروم
لين أكـتـشـفت أنـك تـعـيش بـمـسـره
كذبت قلت انك على الوصل محكوم
انـت حـيـاتـك مـثـل مـا تـريـد حـره
مو مشكله كذبك يا سيدي اليوم
المشكله وشلـون أصدقك بكره
لك يوم يا حارم عيوني من النوم