اليا متى ولوين ياضيقه البال + اجاهدك بالصبر وانتي تزيدين
مرت ثلاث ايام والضيق لازال + ينثر بقلبي مثل سم الثعابين
لافي يدي حيله واجنبه واحتال + ولا تقنعه كثر الحجج والبراهين
ولاباقيَ بي صبر واجزيه بأهمال + وهو وشوقي فالخفوق متواصين
ولو ادري انه تقنعه روؤس الاموال + اعطيه ماعندي ونصبح بعيدين
مار البلاء قصده ماهو قرش وريال + ماقصده الا يقسم القلب نصفين
ادعيك يارحمن واشكيلك الحال + انت الوحيد اللي تعدل الموازين
همي تعدى والعناء والسهر طال + يالله دخيلك من غثاء حظي الشين
مالي مع اهل الضحك والأنس مدخال + كني يتيم هملوه القريبين
اليا متى ولوين ياضيقه البال + مدري متى يأمرك ربي وتقفين