أسافر وأبتعد وأغيب وأشوفك في هجوس البال
دروب الشوق وعيوني مع المسفار يطرونك
أجيك من الوله ديره , مطرها بالغــلا همال
سكنتي ما سكن غيرك بقلبي ولا يجي دونك
أسولف لك عن الغيره , وأنا أبكي على الأطلال
وأداعب نشــوه الماضي وأشب النار بظنونك
وأشم الليل بأنفاسك وأتمتم: ((( يا عذاب الحال )))
تفرد بي زهرك اللي شرب من سكر غصونك
أنام الليل وأحلم بك وأقوم إنســان فيه إهبال
وأعود أرقد لجل ألقاك وأشرب لذة طعونك
تجين بداخلي دنيا زهر , ريحة مطر وإظلال
ونكهة توت , مدري خوخ , مدري فوح ليمونك
تبين الصدق ... هالدنيا بدونك ما تســاوي ريال
ولو إن الدمع صاح إنسى , يصيح القــلب: ما أخونك
أنا شفت وتعــلمت , وعرفت من البشر أشكال
ولكن ما لقيت إنسان ... في شكلك وفي لونك
نسجت من الوله أكبر غلا حتى غدا { تمثــال }
وكتبت (إســمك) على التمثال , والتوقيع: مجنووووونك
أسافر وأبتعــد وألقاك صوره طابعه بالبال
ترجعني لك أشـواقي , وأجي ولهان لعيونك .
العرض المتطور
