.. ~ { شخــبــط \\ شخــآبيــط} ~ ..

[عاشق الأحساس]

قال الوداع وقلت لاتقفل الباب
بعدك حبيبن كلمتي له مطيعه
اذكر ليالينا وانا عادني شاب
واليوم خطوات المنيه سريعه
خليتني واقفيت ماني بطلاب
ابغا العوض يابنت ولا القطيعه
لاهنت ياجرحن قديمن ولا طاب
خلاص انا ضاقت علي الوسيعه
يعني سهم حبي رميته ولا صاب
درب المحبه كل عاشق يضيعه
بايع خويَه عند الاجواد منعاب
خذها ترا من باع خله يبيعه
اوهمتني واثرك مع الحب كذاب
واصبح خبرنا كل موجز يذيعه
للحب ساعه عانها تطرق الباب
وتقول للفرقا كوارث شنيعه
قلت اقربي لوهي بها قطع الارقاب
ماني بهايب لسدود المنيعه
مادام خلي غاب والطيف ماغاب
ودعتك الله روح له ياوديعه
لاهنت ياجرحن قديمن ولا طاب
خلاص انا ضاقت علي الوسيعه
والساعه الي فرقت بين الاحباب
حانت ودارت والثواني سريعه

[فـــجـــر]

فجر









.

[تنهيدة شوُق]

لا جيت ابنسى واتراجـع واسامحـك
صاحن جروحي واشتكن لي طعونـك

كلك خيانـه قـول وشلـون ابمنحـك
وش موقفك من شخص دايم يخونك !!

اكبر خطا.. لو جيت يمـك اصالحـك
اول تحـول .. لاتـغـرك إلحـونـك

اللي تقوله صح لـو كنـت جارحـك
(مير) انت غارق للاسف في ظنونـك

وصفك نسيته بس .. باقي ملامحـك
بنهيك وانهـي بالنهايـه .. جنونـك

ماتستحـق امـد (كفـي) واصافحـك
مثلك غلط عمري وابحيـا .. بدونـك

لعبـت دورك شاهـداتٍ مسـارحـك
خدعتني واظهرت خافـي فنونـك !!

كنت اعتقد قلبي هو ابـرز مطامحـك
اللي يبيع النـاس .. لجلـه يصونـك

تعبت اسوق الشوق يمك واصارحـك
اخلصت لك بالحب .. شوفت عيونـك

لكن خسارة صرت غايـة مصالحـك
ياليتنـي ماجيـت .. لحظـه بكونـك

بالامس كنت بنشوة الحب .. امازحك
اخيـل برقـك واتحـرى امـزونـك

واليوم من صفحة حياتي .. ابمسحك
هديت صرحك ثـم طاحـت ركونـك

ولابي عيوني لـو تصـورت تلمحـك
اعلنت موتك .. وانسجن لي كفونـك

وان جيت تطلب ترتجيني .. اسامحك
بهديك طعنه .. مـن بقايـا طعونـك

[فـــجـــر]

اقتباس كلك خيانـه قـول وشلـون ابمنحـك وش موقفك من شخص دايم يخونك !!

[عاشق الأحساس]

ماكذب من يقول أنه فقد له فؤاد
فاقده مع غزالن في خلا جرهدي
ماتطيق الوصال وماتطيق البعاد
لعنبوها غريبه ليلها سرمدي
كل ماطال هجره ضغط الأشواق زاد
وأن عنيت وقربت الزين راح يعدي
أبك حيرتني خلك مع الحب جاد
لا تسوي قضيه مالها مسندي
أبك غربلتني خل الجفا والعناد
خابر الحظ طيب زين ماهو ردي
أبك خليتني عايف لذيذ الرقاد
لا تدلي حبيبك درب فيه يغدي
خاب فيك الرجا ماشفت منك المراد
حدني حبن أمحق والهموم تحدي
جرح يلقا ضماد وجرح ماله ضماد
أنتهينا وحنا تونا نبتدي
دام مالي نصيب ولا كتبلي وداد
قسمتن مالنا فيها زكاة وفدي
روح والله يوفق من أحب وأراد
أنت منهو سبب في عنوّتي وجهدي
يالطيف الحشا عطني كلامك وكاد
لا تطول قصيده كاتبتها يدي
حس وأرجع وهبي ياهبوب البراد
لاتشكك بحبي حبني يابعدي

[فـــجـــر]

11111111111111111 + 2222222222222222222222 = 3

[تنهيدة شوُق]

والله لو جابو ا جميع المزايين
من الخليج من اليمن وارض لبنـــــــان

والقاهرة مع ليبيا ما تكفــــــين
ودمشق والمغرب وتونـــس وعمـــــــان

وبنت الجزائر والعراق وفلسطين
وبنات افريقيا وبنجلادش والافغــــــــان

واسلام اباد وهندها والفلبيــــــن
وبنات جاكرتا مع الترك وايـــــــــــران

والبوسنة مع كوريا وبنت برلين
وبنت البرازيل وفرنسا والالمـــــــــــان

وبنات واشنطن ولندن وبكيـــــــن
وبنت السوفيت واوربا واليابـــــــــــان

ولو اجمعوهن قدام عيني ملايين
ولو خيروني كلهن عندي ما لهن شان

يا جعلهن فدوة لمدعوجة العين
اللي خذت قلبي لها القلب ولهــــــــــــان

يا سائل عن دار محبوبتي وين
ترى وطنها موطني عز الاوطــان

شعارها نخلة وبالوسط سيفين
المملكة هي دارها ما لها اثمـــان

[عاشق الأحساس]

ليته صباحك يـا وطـن عـز ومسـاك سـرور

مــع كــل نفـحـة ياسـمـيـن ونمـنـمـة نـــوار

يــا رقــة الـفـل الـنـدي يــا بهـجـة المنـثـور

يـا ضحكـة الليلـك الـى منـه ضــوى بنـهـار

غنى لك النرجس وترقص لك مروج زهور

وتــرود النسـمـات وتـــرد الـرويــد ازهـــار

يـا نسمـةٍ مـا كنهـا الا المسـك بيـن عـطـور

يـا نشـوة انفـاس الصبـاح وجوهـر العطـار

يـا دارنـا طيـب و وفـا مــا قلتـهـا بــك زور

يـا دانــة عيـونـي وجـفـن عيـونـي المـحـار

يــــااغلا عــــروسٍٍ تـوجـوهــا مـلـكــةٍ لـلـحــور

وزفـهـا ســرب الـحـمـام لعالي الـمـقـدار

دار الـكـرامــه والــكــرم ال سعود الـمـعـمـور

السعوديه اول دار لـلــهــيــبــه وآخـــــــــر دار

السعوديه اللـي مـا يشـوف الجـار مـنـه جــور

السعوديه الـلـي يجـيـر جــاره لازمـانـه جـــار

السعوديه الـلـي مــا يـحـد حــدوده ايــة ســور

دار الـفـخـر ومـشــرعٍ للـضـيـف والـخـطـار

وللعادي الموت الحمر وإن حاول المدحـور

يلقـى البيـارق شامخـه وعيـون تقـدح نــار

اعلى البيارق واطهر الهامات واغلى شعار

ياراسخـه يــا شامـخـه يــا مكحـلـه بالـنـور

والله مـا هنتـي وحنـا احــرار بـاثـر احــرار

[تنهيدة شوُق]

أبي ابكي من الضيقة وابعزف للهموم ألحان
أبي اطلق مواويل الحزن وبطرح كل دواويني

أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني

أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني

أبيهم يذكرون أني صرت بدمعتي غرقان
أبيهم يعرفون الهم هو اللي صار يخاويني

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني

أبي اترك لهم قصة وأخيّرهم على العنوان
يسمّوا "حزن "يحطوا "دمع"ما عاد يعنيني

أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني

أبي شخص يجي يمي و يقفل للعنا بيبان
أبيه يكون لي خلٍ وعلى حزني يواسيني

أبيه لمركبي مرسى وأبيهـ لغربتي أوطان
أبي لامن ذرفت الدمع لقيتهـ لي يعزّيني

أنا ما أبيهـ يصبح ضلع أبيهـ يكون لي ضلعان
أبي لا من مشيت وطحت يحط يديهـ في يديني

إلامن خانني التعبير أبيهـ يكون لي لسان
أبي لامن سكتْ ألقاهـ يفهم من نظر عيني

أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني

أبي أعشق وأبي أغرم وببني للهوى بنيان
أبيهـ يكون مبنى ضخم ويسكن فيهـ مغليني

أبي واحد يسكن بي وابطرد لأجله السكان
أبي يسكن وسط قلبي وعمرهـ ما يخليني

أبي أشعل شموع الحب وبأعطي من الغلا بستان
أبي أهديه باقة ورد مسقيها شراييني

[عاشق الأحساس]

اقتباس المشاركة الأصلية كتبت بواسطة تنهيدة شوُق أبي ابكي من الضيقة وابعزف للهموم ألحان أبي اطلق مواويل الحزن وبطرح كل دواويني أبي أشكي أبي احكي ابوصف للبشر حرمان أبيهم كلهم يدرون أبيهم يشعروا فيني أبي لا من طرى اسمي بكى من لوعتي شيبان أبي لامن طرى"عاشق" ذكر من كان يغليني أبيهم يذكرون أني صرت بدمعتي غرقان أبيهم يعرفون الهم هو اللي صار يخاويني أبي أصرخ وأبلغهم وأقول أن الفرح خوّان يجي مرة معاي و هو طول العمر ناسيني أبي اترك لهم قصة وأخيّرهم على العنوان يسمّوا "حزن "يحطوا "دمع"ما عاد يعنيني أبي لامن وصل صوتي يحس بضيقتي إنسان أبي لامن نزف جرحي لقيت اللي يداويني أبي شخص يجي يمي و يقفل للعنا بيبان أبيه يكون لي خلٍ وعلى حزني يواسيني أبيه لمركبي مرسى وأبيهـ لغربتي أوطان أبي لامن ذرفت الدمع لقيتهـ لي يعزّيني أنا ما أبيهـ يصبح ضلع أبيهـ يكون لي ضلعان أبي لا من مشيت وطحت يحط يديهـ في يديني إلامن خانني التعبير أبيهـ يكون لي لسان أبي لامن سكتْ ألقاهـ يفهم من نظر عيني أبي لا من تعبت وضقت يلم الروح بالأحضان أبيه يكون لي كتاب إذا ضاعت عناويني أبي أعشق وأبي أغرم وببني للهوى بنيان أبيهـ يكون مبنى ضخم ويسكن فيهـ مغليني أبي واحد يسكن بي وابطرد لأجله السكان أبي يسكن وسط قلبي وعمرهـ ما يخليني أبي أشعل شموع الحب وبأعطي من الغلا بستان أبي أهديه باقة ورد مسقيها شراييني