رسمتــك يــوم انا شفتك ورودٍ تذهــل احبابــك = ولكـــن للأســف كنتـي نحيب النـاي للراعــي
وشلتـك غيمـةٍ تمطـر وتسقـي ناعس اهدابـك = ولكـــن للأسـف نمتي نسيتـي غدرك الواعي
ألا يامصـدر احزانـي أمانه يومـها اش جابـك = غرامك جابك او شوقك أونك سلـــة اوجاعي
بعــد ماحبــي انهيتــه بعــد مــا ردنـي بابــك = بعــد مـا فارق الدنيا عطيـــت الناي للناعي
خذي أوراقك وكذبك خذي رسمك على كتابك = خذي ماصار يلزمني خـذي ماعـاد لـه داعي
أبـي أقسـى على روحي بعد ما ناضت انيابك = أنا ماعدت مثل اول كلامـك يطـرب اسماعـي
أنــا ياناسيـــه مثلك نسيتـك أول اغيابــك = خذيها منـي او غيـري وجودك آخر اطماعي
قتلته حبـي الماضـي وحـرفٍ كـان يزهابـك = تعالـي شرفـي مـوته وشعـري سابق الداعي
أبرحل في سما حرفي كثر ما اشقيتك اشقابك = أبرحـل وجهتـي غيـرك وهـذي فلـة اشراعـي
العرض الشجري
