السلام عليكم ..
أسمحوا لي يا جماعه .. هذي أول مشاركه لي معكم . وأتمنى ان شاء الله ان أستفيد وأفيد بهذا المنتدى الرااائع .
هلا بك أخوي ( ليتك معي ) .
وشكرا لك على نقل القصيده الرائعه لشاعر الجبلين الكبير ( عبد الله الاشقر ) رحمه الله . وياليتك وضحت من القائل عند كتاية القصيده .
وقد ورد فيها بعض الاخطاء المطبعيه وكذلك ناقص بيت .
وهذه القصيده كامله ....
دار الغرام ولف بالقلب لافوف
0000000000 لاع الولع قلبي وروحي صرمها
انا وليعٍ من عنا العين مشغوف
0000000000 سيف الهوى بالحال يلحا لحمها
القلب رفرف وانغرف غرف بكفوف
0000000000 والروح فوح الجوح يلفح فحمها
جسر الغرام برا معي زل بزلوف
0000000000 نزغ الزغازغ زلزله عن قدمها
ماني بكف العذل عني بمعروف
0000000000 لاتبحثه بالله يقبس لغمها
الله خلق بالناس ناسٍ بها نوف
0000000والشمس ما تخفى العرب مع عجمها
كاس الهوى بالباب الأشباب مزلوف
0000000000 من ذاق رشف شفاه يفرق طعمها
لولا الهوى ما رشرش الريم بخشوف
0000000000 والناس نسناس الهوى هو نجمها
خشف(ن) عفر فارع ظفر عشر مكشوف
0000000000 تل القلوب وسلها واستلمها
رعبوب راعب كاعبٍ طرب غطروف
0000000000 عمهوج لاعج داعجٍ 0 عاج0 فمها
تمشي تهز الخصر تنعاج بعطوف
0000000000 مال الهوى به مال عوذا جسمها
بعيونها رايات وآيات واحروف
0000000000 ترمي على الغايات سم سهمها
ما دار دور نهدها نز بوقوف
0000000000 نشو نشا ما نيش مشمش حرمها
واكثل ثليلٍ له كثاثيل وازلوف
0000000000 يلعب على هاضم ضميره هضمها
عفرا برا طرز الطرا صدر وردوف
0000000000 طرخ الطخا طخم الطراخم طخمها
شربت شذا شذر الهوى كمع وكفوف
0000000000 من طاح بتفاحه حرق من وحمها
ياناس خلوني بحوفه وبا شوف
0000000000 لاموت فوت وخاطري ما فهمها
ياسلب قلب المبتلي فيك0 مكلوف
0000000000 ارفق ترى نفسي تقطع وذمها
إمنع طريح طاح بيديك مكتوف
0000000000 سلم العرب من سالمه في لزمها
وسلامتك ...
تحياتي للجميع ..
العرض العادي
