اسير حبك احلى شي انك فهمت ورده غلط لمن قالت انو بتكمل دراستها
وانت فهمت انو هيا الامنيه المستحيله ههههههههههههههه عجبتني
ورهين القلوب ياحسودي ليه كدا ماتنبى يلبى طلباتنا
وقرموشه زكائها بصراحه مالو حدود
اما امنياتي
الاولي ...........................................
التانيه
افتك من الدراسه ومن شي يدرسني اسمو سامي ياااااااااااارب قولوا امين بس
وبعدين اتوظف بس مو مدرسه.
التالته
ياسلالالالام على التالته
انا مابى اسوق طياره زي هنادي هندي( اول سعوديه تقود طائره)
ولا ابى اسوق سياره
لا انا ابى خيل اسود عربي اصيل ويكون ملكي واتعلم على ركوبه وادخل كاس العالم في الفروسيه واجيب لمنتدى الود الميداليه الدهبيه:)
وبعدين اروح مع حصاني لجزيره نائيه واجرى بالخيل على شاطيء رملي ابيض مو اسود زي اللي عندنا واجري بسرعه زي كاظم السهر بس ما اطيح زي كاظم
ولمن اتعب انزل
واكتب كلماتي على الرمال والموج يجي يمسحها وكلماتي الحلوه تخلي موية البحر تسير حلوه وعذبه ( يعني حلاوة كلاماتي تروح للبحر وتخلي مويتو حلوه ياسلالالالالام)
ولمن اتعب انام تحت شجره وبعدين ابرد والشجره تتخلى عن اوراقها عشان تدفيني تقوم تتطيح اوراقها عليا وتغطيني( ياسلالالالالالالالالالالالالالالام نومه مافي منها والله)
ولمن اصحى اطالع في السما القى القمر في اول الشهر بيكون هلال ويبتسملي وفوقو نجمتيين ( يعني زي كدا:))
واقعد لوحدي في الجزيره مابى احد معايا
بس بعدين انا متأكده اني رح اطفش واشتاقلكم وبرجع عشان لا تتعذبوا من فراقي :)