الحب والغرام عن طريق الهاتف الجوال000((للصريحين والصريحات فقط)))؟؟؟؟؟؟

[مخاوي الليالي]

اخوي الغالي/الصمت الصارخ

اشكرك على اطلالتك الحلوة على الموضوع0000وانت ركزت بكلامك على الاسرة وهذا من اهم الاسباب بنظري0000

فعلا اخوي000الأب لاهي وقاعد يركض وراء هالدنيا ويجمع من هالفلوس اللي يحسب انها راح تكون هي سبب سعادة اولاده000والام موجودة في البيت لكن مو موجودة000بمعنى ان امهات هالزمن الله يخليهم لنا ان شاء الله000بعضهم للاسف نسي دور الأم الحقيقي وهو اعطاء العطف والحنان لااولادها من الجنسين واعتبار ذلك شي ضروري000

سؤال صريح للوالدين((((كم مرة جلس انت ايها الاب او انتي ايتها الام مع احد اولادكم وتصارحتوا عن مشاكلهم او همومهم ؟؟؟؟؟))))

للاسف هذا الشي مفقوووووووود لان الكل صار يجري وراء الدنيا ولااحد عنده وقت لمثل هالتفاهات على حد زعمهم؟؟؟؟؟

انا اعرف احد اصدقائي ابوه قمة بصراحة000لازم مرة في الاسبوع يجلس مع ولده ويتفاهم معاه ويشوف همومه ومشاكله ويحاول يحلها معاه بأسلوب حضاري0000حتى انه صديقي يقول لي والله يامحمد ماأحس ان اللي قدامي هو ابوي000؟؟؟احس كأنه صار واحد من اصحابي وارتاح معاه بالكلام000000


للأسف اخوي الصمت صار فيه فجوة كبيرة بين الاب والام واولادهما00000000هناك اسباب ياليت احد يعطيني بعض هالأسباب علشان نناقشها00000واسف للاطالة000


اخوكم/مخاوي الليالي

[مخاوي الليالي]

اختي /مها

اشكرك على اطلالتك على الموضوع واسبابك اللي ذكرتيها مرة مهمة وهي العنوين الرئيسية للوقوع في مثل هذا الشي000انتي بديتي بالفراغ000وهو بالفعل آفة هذا الزمن000

فراغ+طاقة+نقصان عقل=مشكلة

لو ان كل شاب او فتاة حاول ان يحل مشكلة الفراغ عنده بأي طريقة لما كان الكثير فكر انه يسلك هالطرق لكن التفكير والملل بالأضافة الى نقص الوازع الديني للنفس يدفعانه الى فعل مثل هذه الاشياء000

والسبب الثاني الي ذكرتيه لايقل اهمية عن السبب الاول00
وهو انه بعض الناس يبتلى بأب او ام قاسية او زوجة قاسية فيحاول ان يسد هالنقص العاطفي بالمكالمات000يعني انا عندي سؤال واحد000000

لازم كل حياة الشخص تصير سعادة وهناء00؟؟؟الله سبحانه وتعالى يختبر عباده ويشوف اذا كانوا يصبرون او لا؟؟؟؟

للأسف انه كثير من الناس اذا صارت عنده مصيبة او مشكلة مايصبر ويقول خلاص مافيه فايدة لازم اسوي اي شي اهم شي اني اكون سعيد بالدنيا00

بغض النظر عن ان هالشي حرام او حلال0000

لو ان كل فتاة او شاب يكلم بطرق غير مشروعة او ناس مو محرم لهم000يعرف ان الله سبحانه وتعالى يراقبه وراح يبليه بأهله سواء بالدنيا00

اوراح يحاسبه بالاخرة000ياليت كل شاب او فتاة يتعض ويعتبر وينسى الشي اللي كان يسويه والله غفور رحيم0000

لو سمحتوا نبغى الحين بعد مااسهبنا في ذكر الأسباب نبغى نحط حلول لهالمشكلة00

اتمنى من اي واحد او وحدة يقرأون هالموضوع انهم يعطونا حلول منطقية لهالمشكلة0000؟؟؟؟؟


اخوكم/مخاوي الليالي

[أبو عبدالملك]

عند الحديث عن مشكله معينه يجب علينا تشخيصها تشخيصا سليما حتى يكون الدواء مناسبا لهذه الحاله فمنبع أغلب المشاكل ألتي تواجهنا أو التي يعاني منها من حولنا محدودة . وهي في نظري تتلخص في البعد عن الله وسأكتب في ذلك موضوع مستقل إن شاء الله .

[مخاوي الليالي]

اخوي /ابو عبدالملك

مشكور على هالنقطة اللي هي اساس ماوصل اليه حال بعض الشباب والفتيات000

الاساس الديني والتنشئة الدينية لو كانت موجودة ماكان صار كل هذا مهما كانت المغريات والملهيات من حولنا0000

مشكور اخوي على طرحك على هالنقطة واتمنى انك توافيني اكثر واكثر بكلامك اللي راح ينفع الجميع000

اخوك/مخاوي الليالي

[بنـــدر]

يعطيك ألف عافيه أخوي مخاوي على هالموضوع.....

بصراحه الموضوع جدا منطقي وبوقته.....


أنا لي كلام كثيــــر في هالموضوع لكن على قولكم خل الموضوع يحمى شوي...

بس قبل ما أمشي أحب أثير نقطه يعانون منها كل من سلك هالمسلك حتى وان تركه...

وهذا بعد الزواج .... وهي صعوبة (حب) الزوجه لأن بصراحه انا أشوف ان الحب (الحقيقي) يكون مره وحده بــــــس .. ولو ان الحب عن طريق علاقات هو في الأساس وهم لكن ما نقدر نطلق عليه أي شيء ثاني غير حب......

وللحديث بقيـــه......


تحياتــــي.........

[مخاوي الليالي]

اخوي الغالي/بندر

بصراحة انت اثرت نقطة مرة مهمة وبصراحة اكثر جديدة علي معلومتك هذي000

انه الحب الحقيقي مايكون الا مرة وحدة واذا كان كلامك صحيح معناه انه اي واحد او وحدة تحب قبل الزواج عن طريق هالمكالمات ماراح تعيش الحب الحقيقي في عش الزوجية0000

انا اتمنى انك توافينا بالمزيد عن هذا الموضوع اخوي بندر والله يعطيك الف عافية0

[مرجان]

ليش كل المواويل كلها والله بالعكس الحب عن طريق الجوال ولا أروع أنا صراحه مالي فيه بس مره دقت علي بنت بالغلط أكثر من مره تبي خويتها أنا قلت إنها كذابه تبي تلعب علي ودقيت عليها بعدين وهزأتها على الحركه المهم إني سولفت معاها شوي البنت مستحيه مره وكلام ومن هنا وهنا وصرت أكلمها كل ليله مايمر يوم لابد أسمع صوتها مهما يكونوتعلقة قلوبنا بعض مره حتى إذا مرضة إني أمرض وإذا زعلت أزعل وبيني وبينك ماتأكدت من حبها إلا مره انشغلت وقفلت جوالي المهم شغلته الظهر إلا والرسائل كلها أرجو الاتصال بي دقت أشوف وش تتوقعون قسم بالله ردت تبكي وسوت لي مليون قلق أنت ماتقدر الحب ومدري أش يالله بالاحلاف إني أقنعتها هذا ماهودليل فيه شباب نصابين ومايستاهلون إن البنات يخلصون لهم أذكر مره واحد يكلم خويته قدامنا والله قمة السخافه والاستخفاف والله بغيت أطاقق أنا وياه حب الجوال حلو إذا لقى ناس صادقين مشكورين

[مخاوي الليالي]

اول شي احب ارحب فيك اخوي مرجان بما انك عضو جديد0000

ثاني شي 00احب اني احيك على صراحتك000

ثالث شي 000احب اسمع رأي الاعضاء وابغاهم يتحمسون شويه مع الموضوع0000بعدين راح ارجع لك واقول لك رأيي000

شباب وصبايا000ايش رأيكم بكلام الاخ مرجان000اتحفونا بأرائكم000

اخوكم/مخاوي الليالي

[** مها**]

السلام عليكم ورحمة الله وبركاته

أنا ودي أسأل الاخ مرجان هل أنت واثق من هذا الحب تجاه هذه الفتاة او انها زي مايقولون مرحلة طيش وتعدي؟ واذا كنت واثق هل سوف تتقدم وتخطب الفتاة نتيجة هذا الحب؟ وهل سوف يكون عندك ثقة في هذه الفتاة؟أم لا؟!
ارجوا من الاخ الاجابة على الأسئلة وبصراحة.........

[نجـ سهيل ـم]

هلا اخوى / مخاوي الليالي صبا ح الخير
انت طلبت نكون صر يحين معك .......... باللة هذا موضوع تبى احد يرد علية
فنجال وعلوم رجا ل بالسوالف ولا اتخيل الفنجال فى يدى والبنات يكلون الحلا
ولا تبى الرائ من النا حية الدينية واسبا بة ان البنت مسكينة تصدق الكلا م اللى
يزينة ابليس لها نساللة ان يصلحهم وينور بصيرتهم والقصص حدث ولا حرج
وكل واحد منا عندة محارم يخاف عليهم لا كن الصلاح والهداية من اللة
سبحانة وتعا لى وبصراحة لاتوجد فتاة ولا شاب يجهل ان النها ية ضحيتها
البنت اما الرجل فهو نا قل عيبه عاى قولتهم بس ربك يمهل ولا يهمل
ويجى علية الدور هو ما يدرى .........!
اخوى ارجو انك ماتزعل من الكلا م اللى قلتة( وكلمة ما تستحى منها بدها )
وعسى الرد سخن الموضوع

تقبل خا لص تحياتى / ***نجم سهيل ***