اشره عليك وتحسب اني مجافيك [] واغيب عنك وتحسب انه تغلي
ماهو جفا يا صاحبي يوم ما جيك [] مالي بغيرك يا بعد كل من لي
لا والذي سواك محد يجاريك [] غلاك ماخلى لغيرك محلي
ان غبت بالوجدان شوقي يناجيك [] وان جيتني كل المشاعر تهلي
طيفك يناديني وروحي تناديك [] واللي يدور بخاطري ما حصلي
لا مرضي نفسي ولا قادر ارضيك [] واليوم من بعض الغلا جيت كلي
ماجيتك الا قابل كل ما فيك [] يا صاحبي ما بالعواطف تسلي
شف وين تفكيرك بخلك موديك [] وان كان به شئ بخاطرك قلي
لي صرت تعرف قيمتك عند مغليك [] وانك على عرش الخفوق امتعلي
ابيك تعلن للعواذل تحديك [] اني حبيبك وانت شوقي وخلي
لا اقفى خيالك حل بالقلب طاريك [] مشاعري من صورتك ما تملي
وان قلت اباخذ بالهوى معك واعطيك [] ياشوق عودنا على طير يا للي
لشاعر / محمد بن إبراهيم البراهيم ( الوافي )
العرض الشجري
