بليييييييز ادخلو احتاج رايكم !

[هيفا 999]

اول شي السلام عليكم انا عضوه جديده هينا
ولا اعرف والله ليه اخترت هالمنتدى بس يمكن شدني من ناحية كثرة الاعضاء والتفاعل اللي فيه !
انا الصراحه مو راعية منتديات ابد ولا لي فيها بس اضطريت هالمره وياليت تركزون بالموضوع اللي بكتبه الحين
وتساعدوني برايكم .. ! ( ولا ادري صراحه اذا انا مختاره القسم الصح او لا ) ...

انا بنت توني مخلصه ثانويه عامه الحمدلله ..
واحب شخص صارلنا تقريبا سنتين وجدا جدا متعلقين ببعض لدرجه ما تتصورونها .. مع العلم ان هالشخص اكبر مني بشهرين تقريبا ..
بدايه بنينا حياتنا على اساس مستقبل زواج لا اكثر يعني علاقه جديه !!
انا سعوديه طبعا ومن الرياض وكلكم تعرفون العادات السعوديه
انا بالنسبه للعلاقه اللي بينا محد يدري فيها من قرايبي الا 2 من عماتي ومقدرين هالشي
وبالنسبه له هو والدته تدري

لكن المشكله انه صار صديق ولد خالتي وولد عمتي وصارت علاقتهم ببعض قويه هو يشوف هالشي حلو لان يمكن يساعدنا لما يجي يتقدم لي انشالله ..

بس برضو ماسلمنا من ناحية انهم شافو شي علينا وصار زعل ومشاكل تقريبا مرتين بس الحمدلله غطيناها
بس للحين مستمر انهم شاكين ان بينا شي

انا اعرف اخته وتقريبا هو الشي اللي ساعدنا على تغطية المواضيع اللي صارت

المهم ..

تحصل بينا مشاكل كثيره انا وهو مشاكل غيره وخوف ودراسه وكثيييييير !
بس مستحيل يمر اكثر من يوم على المشكله الا واحنا حالينها الحمدلله

هو الحين جالس يفكر انه يخليني لمده اربع او خمس سنوات قدام لوقت اللي يجي يخطبني فيه !
بس انا مااقدر اتركه بصراحه .. وضعي بيكون اصعب منه بكثير يمكن لانه ولد ويطلع ويروح ويجي كثير !
يعني تريبا بيكون شاغل اغلب يومه

بس انا كل شي يذكرني فيه!!! ومتعوده عليه بشكل قوي جدا !
الولد وربي نيته صافيه وطيبه ومو قصده شي بس كل هذا خوف من اللي يمكن يحصل لنا بالسنوات المقبله

ولا ادري صراحه

انا ابي اشوف رايكم !!
هل نترك بعضنا عشان نستر على نفسنا ؟؟
هل بيضيع مني مع الايام ؟ مع العلم انه وعدنا بعض مشاكل نمر فيها مايحلها غيرنا ( يعني اقدر اكلمه لو احتجتله )
هل بيتغير اللي بينا ؟
هل بقدر انا على فراقه ؟؟

تكفووووووووووون ابي رايييييكم واي توضيح انا حاضره

ويعطيكم الف عافيه يارب ..