أنا .. ما مَرّني عِيدي ! .. ولا شِفته ! .. ولا جَالي!= مميزه

[الجميلة]

السلام عليكم ورحمة الله وبركاته


هذه القصيده قرأتها في عيد رمضان المبارك

للشاعر المشعل

شاعر متمكن بالفعل اعجبتني قصيده

واحببت ان انقلها لكم




جميع الناس تدعيلي .. شهر مقبول ب(أعْمَالي)***تِباركلي قدوم (العيد) .. عساني .. من حَيا وعَاده


(رِسَايل) .. مالها أول .. ولا آخر .. لِ(جوّالـي)***كثيره .. توصل (الوارد) .. عَجز لا يقبل زيَــاده


بَعضهم .. يذكر .. ويَرسل .. رسايلهم على بالـي***وبعضهم .. يتّصل .. يسأل .. وجَاوبهم على العَـاده

(طيّب) .. (ماعليّ خْلاف) .. (أبَشركمْ عن أحوالي)***وحَمْد الله .. على كل حَال .. حِنّا تحته عبـَــاده


. . .
كلّ(ن) ظنّ .. بي ظنه .. سِعيد .. وخَاطري سَالـي***كلّ(ن) يحْسب أيامي .. عَلى الأفراح مِعتـَــاده


مَافيهم أحد يَدري .. عن إللي كان يِجرالــــي***ولا فِيهم أحد مِثلي .. يشيل الهمّ ب(أعيـــاده)


أنا .. ما مَرّني عِيدي ! .. ولا شِفته ! .. ولا جَالي!***ولا حَتى سِمَعت .. إنّه تَأخر يوم مِيعـَـــــاده


غريبه !! .. عَادته يَقلط عَلى مَركاي .. ودلالـي؟***يِسُولف لي عَن أحْواله .. وضَوّي دوم وقـّـــاده


غريبه !! .. مَرّ من عندي .. ولا حتّى تعنّالــي!!***لا نَاظر .. ولا سَلّم .. وأنا مِذْهِلني عنـَـــاده!!


. . .
بَس .. لَحظه .. عَرفت ألحين .. ليه ما كان يصفالي***أشوف العِيد مثل الناس .. وأعز الناس ف(بعَـاده)


بِعيده إيييييييه عَن عيني .. وزَاد اليوم غربالــــي***يمرّ العِيد .. وعيوني .. عن الغالين .. نشــّــاده


تنشدني .. وش إللي صار ؟ .. وليه المنزل الخالـي؟***وينه نورها .. وينه ؟ .. تقولي : صَاحبي نــَـاده


وأنا .. عاجز أجاوبها .. جاوب دمعي وسالـــي***على خدي .. يعلمها .. يحاول يوصل مــــراده


. . .
وأنا في ضِيقة أحْزاني .. أبد مَا كان يِطرالــــي***تِكَلمني .. تِعَايدني .. على (الجوال) يا ســـاده!


ألو ؟ (بابا) .. أنا (بنتك) .. وهَلّ الدّمع طَوّالـي***بدُون شعور .. وكَلماتي .. تِقل مَاهيب منقـَــاده


( غلا ) بنتي !! .. هَلا عمري .. ياعِيدي الأول .. التالي***يا كِل أفرَاح هَالعالم .. بدونك عيد .. وش عـَاده؟


عَساك بخير .. قوليلي ؟ .. ترا مانيب بلحَالـــي***مَعي طيفك يِسَليني .. خَيالي دوم يِرتـَـــــاده


أنا مِشتاق لعيونك .. وذَاك المبسم الحالـــــي***بَعد مِشتاق لحروفك .. وكيف (مكَسّره سَـــاده)


أنا مشتاقلك كلّك .. متى وصْلك تَهيّالـــــي***بجيك أسابق الخطوه .. يا كلّ الذوق وأسيـــاده


. . .
أشيل الهمّ في صدري .. ودمع العين همّالــــي***على ظرفي .. على وضعي .. وأشكي ليلي وسَـاده


وأنا رجواي في ربّي .. الكريم .. الواحد .. العالـي***يزيح الهمّ عن صدر(ن) .. كثير الصّبر .. ما فـَـاده


ويحفظلي بعد (بنتي) .. في دنيا غيرها ما لِــــي***يعَجّل لي بشوفتها .. ويَجلى الهمّ وسـْــــواده


. . .
أنا حَسبي على ظرفي .. كانه ميّل ظلالـــــي***وخلاّني سِهير الليل .. وكلّ(ن) مِهتني رقـَـــاده


(يابنتي) .. بس .. قوليله .. منهو خَاطره .. سَالـي***(بابا) .. هذي أيّامه .. على الأحزان .. معتـَـاده!!
[/poet]