ألهم دايم . حزة البسط ساعه=هذي حياتي يوم انا صرت مجروح
كني مريض وفاقد ٍ للمناعه=خلوه ربعه يوم خلوه مطروح
ياسعود جيت وطالِبِك للشفاعه=جيتك جريح القلب مافيه من روح
خلّي هجرني , جارح القلب باعه=باع الهوى والحب من غير مصلوح
كانه خطايه يومه القلب طاعه=سِبَتْ خطايا ذابح القلب مسموح
والله مالي فالهوى من طماعه=من غير شوف العين للوجه مملوح
اربع ليال وجاتني بالقطاعه=ماذقت طعم النوم والجفن مفتوح
ياشين طبع الحب ذيّه طباعه=ذل القلوب وصاحبه دايم النوح
لاهو صحيح وراضي ٍ بالقناعه=مابه مرض او دم من عرق مسفوح
كِله شعور ٍ داخل القلب لاعه=شيّ ٍ خَفِيْ وسِبِتِه قلب مذبوح
ادنى قليل ولو يجي القلب راعه =كِنه على ماقيل فالحب مشفوح
قلب ٍ يطير إن كان جاته إشاعه=ماهو يبا فالحب خمات ومزوح
ياسعود ماهو حب قَلّ الشجاعه=شوف وكفاك ولا أبا علم مشروح
تدري أبوك وطِرقته فالطواعه=شي ٍ كِفَحْته شي بالشرع مكفوح
العرض الشجري
