مــشــجــع نصــراوي زف لي خـبر الإقالة وفيصل ابو ثنين اكدها لي : (

[البركان]

هلاو غلا


تذكرني


مشكور على فتح موضوع للمناقشة بخصوص ماحدث بعد المبارة النهائية بين الهلال والشباب في نهائي كاس ولي العهد ،،


شي غريب ما يحدث في هذا الاتحاد !!!!

فقد هيبته وفقد مكانته الرياضية العالمية والاسيوية وحتى العربية ،،،


القرارات الحكومية الاخيرة من والدنا القائد الملك عبدالله بن عبدالعزيز كنت اتمنى ان تاتي على الرياضه السعودية وتغيرها تغيرا شاملا !!

# رسالة للاتحاد السعودي تم التغيير في مواقع حساسة ومهمة في البلد من تعليم واقتصاد وقضاء !!
فليس من الصعب التغيير في الرئاسة العامة لرعاية الشباب ،،،
واتوقع ان السبب الرئيسي في عدم تحويلها الى وزارة حتى الان هو التخبط المستمر والنتائج السئية التي قدمتها خلال السنيين الاخيرة بعدم تحقيق انجاز يستحق الذكر للاسف في كل المجالات الرياضية ،، في الالعاب الالومبية في كورة القدم بجميع مستوياتها السنية في الالعاب المختلفة سله يد طائرة مشاركات مخجلة للمنتخبات السعودية ،،

المدير الناجح هو من يحقق مكتسبات للمنظومة التي يعمل بها مهما كانت هذه المنظومة تجارية ام حكومية ولكن للاسف لم نشاهد هذه النجاحات يارعاية الشباب !!!

[أبيض و أسود]

قرار الامير عادل ومنصف جدأ

والمشكله الاصوات الهلالبه التي تصب جأم غضبها على الأمير والاتحاد السعودي
نتيجه ذلك القرار

ونست أن الهلال هو المستفيد الأكبر من تخبطات هذا الاتحاد بحصولها على بطولات

كثيره وضع أمامها الكثير من علامات التعجب والاستفهام

وكانت تكيل المديح ومنافحه ومدافعه عنه ومع اول قرار ضد مصلحه ناديهم هبت



مع الاسف أن نسمع ونشاهد من فضل ناديه الهلال على وطنه وسمعته وأحد قيادته

ولكن لئن نستغرب ذلك من جمهور الهلال وصحافته والتي قسمت الوطن

الي شعب الهلال وشعب الاهلي وشعب الاتحاد

سنعود لوسمح الوقت بذلك

[الــيزيـــد]

انا ضد وضع الصور على الفانيلات

حتى مايحصل احراج للبعض من سقوطها

والله يحفظ الامير سلطان ولى العهد

.....


اتحاد الكره عندنا يتدخل في كل صغيره وكبيره لم يسلم منه احد

للاسف الشديد


....

[فيـ«al-wed»ـصل]

هلابك صديقي العزيز ،،تذكرني،، وأحسن الله عزاك في رياضتنا !!!
كل شيء حدث الان ولا ينفـع الكلام و(الظلم) وقـع ولا نقدر نقول إلا (حسبنا الله ونعم الوكيل) !!
صدقوني أني أكتب (هالكلام) وانا (محايد جداً) ومجرد نفسي من ميولي (الهلاليه) المعروفـه
الحاسدين أثاروا (الحادثه) وخلقـوا مشكله من لا شيء ، وكل هذا عشـان (سقوط) الهـلال ولكـن ؟!
هل يعلمـون أن (الهلال) لا يقف على (مدرب) ولا يقف ايضاً على (لاعب) الهلال هو من يصنع النجوم !!
سلطـان بن فهـد (يطرد) مدرب كـان يحمـل فكر (تدريبي) و (تكتيكي) ممتاز ويحلمون به معظم الأنديه الأوربيه!!
مدرب جلـب لاعب من دولتـه كان (الأنتر العملاق) يبحث عنـه ويطلب ودهـ وحارب أعلام دولته من أجل الـksa!!!
لكن للأسف (الميـول) سيطرت على سلطـان (الرياضة) وعلى أعضاء (لجانه) وأتخذوا القرار بـ سرعه (البرق) !!
عموماً (الهلال) سوف يبقى البطل وسوف يحصد البطوله ورى بطولـه (بنصرت المظلوم) والله كريم !!!

يعطيك العافيه تذكرني

[●MŭhâMmāĐ●]

لا تعليق......

[سلطان القصيم]

اقتباس المشاركة الأصلية كتبت بواسطة تبوك الورد أما بخصوص كلام سلطان القصيمي بأن المدرب مسح بها عرقه !! فأقول له وارد عليه لو يذكر نادي النصر لبس قميص ومكتوب عليه ( فهد في قلوبنا ) وعليها صورة الملك فهد رحمه الله ، ولعبوا بها المباراة كاملة واللاعبين أنفسهم يمسحون عرقهم بالفانيلة التي تحمل الصورة !! ::

هلا وغلا تبوك ان شاء الله انك بخير

حبيت ارد عليك انوهـ فيه فرق بين تلعب بقمصان عليها صور الملك فهد الله يرحمه وبين انك تخلـع الفانيله بالعمد وتمسح عرق جبينك وتحذفها !!!

الفرق بين الحالتين هي التعمد لاعبي النصر ماخلعو1 فنايلهم ومسحو1 وجيههم وشي طبيعي انك بتمسح وجهك كحاله غير مقصودهـ او لا اراديه والمدرب كوزمين خلع القميص ومسح جبينه وحذف القميص !!! اتمنى اني وضحت المسأله .

تحياتي

[منصور الحزيم]

اشكر على الموضوع واشكر جميع الاخوه الذي ردو


المدرب اعتذر واعترف بالخطاء الذي قام به ولا اقول شي
ولكن هل من المعقول ان المدرب يتعمد الاهانه وهل سيرضى الاعبين والاداره
لا اتصور الله يرحم الكره بالسعوديه
دوري الحواري احسن من المهزله هذي

[قـيـس نـجـد]

تعقيبآ على بعض الشباب الى يقولون ان سبب طردهـ على شانه رفض تدريب المنتخب اقول بالعكس بسيرو افضل منه ولاكن انه يرمي الفانيله المخصصه لتتويج لا وعليها صورة ولي العهد ورفض يسلم على الامير سطام يستاهل ماجاهـ

[فــهــد الشمـري]

انا تكلمت عن الموضوع كثير بس غريبه ؟ كل يوم بالقسم ولا شفت الموضوع الا اليوم ؟

الظاهر انا نوب ما اركز

بس بقولكم شيء ؟

كوزمين كلنا نعترض على اللي سواهـ بس انا اجزم انه يوم رمى القميص لسبب واحد ؟ على شان انهم رفضوا صعوده المنصه قصده يعني خلاص ماني طالع ولا اعتقد ان كوزمين يدري اصل منهو راعي الصوره اللي على القميص .

بس تدرون وش المصيبه ؟

ان سلطان بن فهد الرجل الاول بالرياضة السعودية ما يفقه بالكورهـ كل القرارت تدار من شخص معروف ومتعصب لناديه

تذكرني

اصلن الاعب اللي سالته معروف من كان يقصد وكلنا نعرف بس لمن ترفع الشكوى
يقولون الهلال الفريق المدلل يبون يظللون اخطائهم .

بس الزعيم والله باقي بحصد البطولات لو يلعبون بدون مدرب

اعجبني رد تبوك الورد



عز الله يكفي

[ذهول اللقاء]

طبعا انا اول بنوته ترد ويمكن الكل يكون ردت فعله وش فهمهااا


بس انا وجهت نظري في الموضوع انه القرار سليم


والله لو سكتوا راح يتمادون ومعليش هذي حكومتناا


ومافينا ااننا نقدم الاجبني على شيوخ البلاد مهما كان


انا معاكم انه يمكن دون قصد بس عشان يكون عضه وعبره للي بعده


يعني يوم يحطون صوره امراء البلاد ويرتديها الاجبني يحس بقيمه الشي الى لابسه


ليه اصلا ينزلها من البدايه هو غلطان ويتحمل الى جاااءه


وجهه نظر بنوته ويمكن الكل يخالفني فيهااا بس حبيت اوضحها لااكثر ولااقل

اما بخصوص فيصل مااقول غير الله يستر علـــــــــيه....