تهيضت مما شفت في شاعر المليون=علام البشـر عقب التقـدم توخـرنا
بعد نعمة الإسـلام والشـرع والقانون= بدا بالعـرب طبع التعنصر وشـتتنا
وكل على اصله وفصله غصب مفتون=طبيعة بشـر من قبل هـذي طبيعتنا
ولكن بعض ناس بدرب الخطا يمشون= ولا فخـر إلا فـي علـوم تشـرفنا
ومـدح بلا فعل خطـا والعرب يدرون= وحنا عرب احرار والصدق شـيمتنا
وهـذا تعصـب جاهلي ياللذي توحون= يولّـع شـرارات بغيضـه تفـرقنا
وكـل القبايل تعـرف الرخم والدندون= ولا احد بهذا الوقت يجهل جـزيرتنا
وهـذول ناس غشم بالسر مايدرون= مع الخيل ياشـقرا ولـو مايناسبنا
ومن يبعث الفتنه كما قيل به ملعون= وهذي علوم الجهل توذي وتـزعلنا
ولـو يحمدون النعمه اللي بها يرعون= لكان أبـرك الساعات والود يجمعنا
وحنا بحكـم اللي مدبـر جميع الكون=حمدنـاه سـبحانه خـلقنا ورازقنا
وبعده بحكم الحاكـم اللي عليه نمون=زعيم بفعل الطيب والحب غـامرنا
أبو متعب اللي منزله في صميم النون=ملكنا حبيب الشعب ذكـره يعطرنا
أقول إنتهوا ياهيه خلوا الخبر مدفون=قبل لا التعنصـر ياجماعه يدمـرنا
وصلوا عدد مامال بالعاصفات غصون=على اللي نـزل بالدين كمّل وبلّغنا
العرض الشجري
