انوه نجيب واحد من الأعضاء ونستضيفه ونلفق لوه شي مب بوهـ يعني مهنه او وظيفه او اي شيء
بعد تسذا هو يكون في استضافتكم تسألونه اللي تبون وهو يأرنب عليكم ويفقش
كل املنا رسم البسمه على خششكم المشهبه
ونوسع صدوركم تسانه ضايفتن ولا شي ..
فهمتو ولا لا
ضيفنا اليووم موهبه مافيه منها اثنين ..حقق بطولات عديده شارك مع المنتخب
ياما غنى فيه راشد الماجد ورابح صقر << ايه هييييييييييييييييييين
كلكم تقول من هو ضيفنا ومتحمسين له اكيد طيب بشويش اوب زين الحمااس
في استضافتنا اليوم الكآبتن المُحترف سلطان القصيم << خخخخخخخخخخخخخخخخخااي
طبعـآً الكابتن غني عن التعريف بس بقولكم نُبذه عن هالشخصيه الفذه
اللي امتعنا كجمهور واسعدتنا بأهدافه القوويه
في صحيفة الرياضيه اللي رازها بالبيت مكتوب عن لسآن والدة سلطان انوه كان منذو ان كان في بطن امه وهو يشوت واحيانا براسه..
من ماخلى والدة الكابتن حفظها الله واطال في عمرها تتنبأ بأن في بطنها بنت عشان البنات يحبن القفز والهبال
ولكن خابت الأماال حين تعالى زعاق سلطان في المستشفى ..وعرفو انه تمساح اوب غزاله <--شوفو العنصريه وشلون غزالـه اي نعم غزاله خخخخخخخخخخخخخخخخخخخااي
نرجع للكابتن اللي ياما سدح بنات عند الشاشه وخلى البنات يسرقن ذهب امهاتهن وبطاقات الصراف من ابوانهن عشان يشتركون في راديو وتلفزيون العرب ويتفرجون عليه ..
يقولون وعلى ذمة القائلين انه اول شي نطقه موب ماما ولا بابا ..ابدن ,,كان اول كلماتوه كووه <<يعني كوره بس كان بزر ولتغا بس الحين غير
حصل على العديد من الكؤؤس لناديه من ماجعلهم يتحسفون به على النادي اللي طلبها اعاره ورئيس النادي جته حاله نفسيه يوم درى انه خلاص بيحترف طلبوه ناديين ريال مدريد عشان يشكل راس حربه مع المهاجم رونالدو ونادي مانشستر يونايتد بناء على رغبة اللاعب ديفيد بيكام
اللي يقول معد ابي العب الا لين تجيبون لي سط سط ماينلام بصراحه هداف من الدرجه الأولى خخخخخخخخخخخخخخخخخخخاي
حصل على القاب عده منها الصياده يعني يصيد القول ويلفزوه في ام الشبكه حقت باب الفريق الثاني
واللقب اللي اطلقه عليه الأتحاد السعودي لكرة القدم لقب { الكابتن المعجزه
تسبب في انتحار العديد من الشباب يوم تضيع ضربة الجزاء في دوري كاس خادم الحرمين الشريفين
لكن ما يلام كان راجع من اصابه << وربي ميته ضحك ومتخيله سط سط يقل ابو دارتس ياكثر قرقتس خخخخخخخخخخخخخخخخخخخخخااي
ترجوه ترجي بيسوون ملعب باسمه وقال لهم يجيب الله مطر فاردزو عن وجهي منيب فاضي لكم هالايام كابتن صح اوب اي كلام
حتى مره كان بعيد شوي عن الكوره ماامداه عليها ويزعق لـسامي الجابر وياسر يالدلوخ مررها ياسامي لياسر وانت شتها بالكعب ابو من علمكم اللعب وفعلاً حقق ياسر هدف ولكن كان بفضل زعاقوه المتواصل خخخخخخخخخخخخخخخخخخخااي
الأن معروض عليه خمسين مليون يورو من فريق ريال مدريد وخمس وخمسين مليون يورو من مانشستر ولا ندري الكابتن الصياد من بيحترف معوه مير هو كان بالدولار بس قالو مب قادر لازم شي يناسب مواهب الكاابتن ..
الحين ابي منكم طال اعماركم كل واحد يتفضل بالأسئله للـكابتن سط سط للسؤال عن طفولته والعقود المقدمه لها من الأنديه الأخرى وكل ماتودون معرفته عنه ..
"ملاحظه" الاسئله اللي مال اموها داعي شوتها سط سط لا يردك الا البوت نبي اسئله صاحيه وقسم لو اشوف ما نوع سيارتك ما مدري شنو وربي اشوته عرفتوا ابي أرانب
على فوووكره بليز ما ابي حتسي خارج عن نطاق المعروف يعني اللعن بليز تحاشوه << ترى تقصد هنوي خخخخخخخخخخخخخخخخخخخخخخخخخااي
المايك مع الكابتن سط سط
/
ايه نسيت اقولكم طبعآً احلى رد زاحف راح يتم اختياره للسلسله الجايه من ارانب وان شاء الله راح تكون هالسلسله مستمره بتفاعلكم فيها
[ ..أرآنـــــ[1]ـــــب..] مع الكابتن سلطان القصيم
العرض الشجري
