خط ياكفي كلامي واكتب من النار نار= خط كان إنك نويت اليوم تاصل للحقيقة
خط واهدم دار ظلم وشيد للمظلوم دار=لا نويت اليوم ظالم شب في صدره حريقة
فالكلام يجيك عز وفالسكوت يجيك عار=لو سكت اليوم نسمع من ظلم زايد نهيقه
من سرقنا لاسرقنا يسرق إبوضح النهار=كل ٍ ويسرق وكل ٍ يسرق (بنفس الطريقة)
والله إني ماسكت (وحق لي) ناويه ثار=ما اطيق الظلم يوم ولاهقيت إني اطيقه
ماصبرت إلا على اللي كان لي في يوم جار=يسكن فداره وداري كانت لداره لصيقة
ضرني واقفى وعني لف ظهره واستدار=كيف ينساني وانا اللي كنت فالطرقة رفيقه
كنت له بستان خير وكم جنى منه الثمار=كنت في شمسه وحره كان له صدري حديقة
ليه يالظالم تذر اليوم فالوجه الغبار=مايذر إلا على اللي كان فأيامه صديقه
والله إني لاحرق الدنيا واخليها دمار=واشعل النيران حتى (مانبل اليوم ريقه)
قلبي اللي صرّّ علمه عقب نية وإستخار=ناوي اليوم (الحقوق) وعلم ياصلكم بريقه
ما اخلي السارق اللي لو سكن عشه وغار=يهتني بالمال وغيره باقي إجروحه عميقه
اخي الطيب نايف
من العايدين
جزله من راس جزل صح لسانك
تحياتي
اخي الطيب نايف
من العايدين
جزله من راس جزل صح لسانك
تحياتي
هلا وغلا ومرحبتين
لا لا الفين مرحب بك اخي الحبيب
الطلحي
نورت متصفحتي
كل عام وانت بخير وعيدك مبارك
حقيقة قضيت نصف شهر رمضان في الحرم المكي
وحين عدت كتبت موضوع هو مباركة للجميع بعيد الفطر المبارك
وبسبب خطأ فيه طلبت حذف الموضوع وتمت الاستجابة لطلبي
نعم انا مقصّر
ولكنكم اوفياء وتعذرون