ضاق الصدر يالربع بالحيل بالحيل=ولولا الحيا لاهل دمعـن اهمـالا
الهم والحرمان والحـزن والويـل=تجمعـت والعقـل صابـه هبـالا
احزان ماضي تدحم كنها السيـل=ولاجيت ابا أسلى صاح قلبي وقالا
ويلاه يالسنافي تبـا تسهـر الليـل=جرحك عميقن والدوى فيـه لا لا
ياقلب من حبك نشوف البهاذيـل=وش لك في خلن للهوى مايبـالا
حبه تجمع مثل حمـر الغراميـل=ركز على قلبك صواعـق تـوالا
ياقلب لاتجزع من الحط والشيـل=خلك دليلي واضرب الحـب جـالا
الحب ماحشم زحـول الرياجيـل=والحب من سبحـان ربـي تعـالا
ياقلب لاتتبـع جميـع الاقاويـل=والحب نار القلب جمـرن تـلالا
اسمع لوصفي ووزن الكيل بالكيل=حتى يبين الحـق يابـن الحلالا
لو باصفه باقول نادر من الجيـل=سبحـان ربـي كملـه بالكمـالا
العين عين الريم رمشه مضاليـل=والخـد وردن زاهيـن بالجمـالا
والخشم سيف الهند حلو المقابيل=والفم من صغره عـذاب العيـالا
والشعر ليلن في سماه المخاييـل=وشلال غره بيـن سـود الجبـالا
والجسم عود الموز ضرب التماثيل=شامخ ويلعب مع هبوب الشمـالا
والصوت يبعث للخفوق المراسيل=كنـه يتـل القلـب تـل الحبـالا
ياقلب بعد اللي سمعته من القيـل=انتـه بجوفـي والمحبـه حـلالا
عرفت وش ضيق صدور المشاكيل=اثر الهوى حزني ونا اقـول لا لا
عساء القا ياتي قبل يتعب الحيـل=ويروى خفوقن فاق كـل الخيـالا
العرض الشجري
