بيتين اتمني من الاعضاء مجاراتي فيها ... ؟؟؟

[العـ راعي ـليا]

النااادم

صح لساااانك

ونبي نحاااول

نوت تشد اركابها ... كانك ترحّب بالقدوم=ياهيه ياوجه السعد ... نوت تشد اركابها
تثبت لك صدق اعجابها ... وإنك عزيزٍ ومحشوم=بجاه من صلى وسجد ... تثبت لك صدق اعجابها

وتقبل المرور

دمت بووود

[الـنـادم]

((( راعي العليا )))

تحد لك نابها ياصاحبي ياورث القروم
وان لامست الشهد ياصاحبي تحد نابها

منت اللي جابها يبغا لها زود حبة خشوم
حاول وان حظك بك صعد ومنته اللي جابها

,,,,,,,,,,,,,,,,,,,,,,,,,,,,,,,,,,,,,,,,,,

[الـنـادم]

(( في انتظار ردودك ))


الـخـيـل مـن ركـابـهـا والـبـحـر صـعـب لـلـي يـعـوم
يـامـن وقـف ويـامـن قـعـد والـخـيـل مـن ركـابـهـا

حـاول تـمـس اطـنـابـهـا وان صـعـب اسـتـرها هـدوم
ولو عـزمـك فـيـهـا جـحـد حـاول تـمـس اطـنـابهـا

[العـ راعي ـليا]

الناااادم

صح لساااانك

تبدي عليك اعتابها ... يالذيب لاتخشى السلوم=اقرب لها لا ترتعد ... تبدي عليك اعتابها
لك صفحةٍ بكتابها ... ترسمك في ليل الحلوم=ترجيك من قبل اللحد ... لك صفحةٍ بكتابها

[الـنـادم]

(( راعي العليا ))



صحت أبدانك

والدور عندك



قـلـبـي مـاهـو يـهـابـهـا وانـا بـالـي مـاهـو ابـكـتـوم
فـي عـيـونـي نـظـرة اسـد قـلـبـي مـاهـو يـهـابـهـا



اكـشـف عـنـهـا إحـجـابـهـا يـاصـاح جـا وقـت الـلزوم
لايـصـيـبـك مـنـهـا بـلـد اكـشـف عـنـهـا إحـجـابـهـا


’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’

[العـ راعي ـليا]

النادم

صح بدنك

شف علتك وأسبابها ... بالدنيا ما شيٍ يدوم=لا تدخر عنها جهد ... شف علتك وأسبابها
من قبل لا يدرابها ... ومافات من العمر امحسوم=تغانم أيام الشهد ... من قبل لا يدرابها

[الـنـادم]

((( راعي العليا )))


الدور عندك


بس انتبه للكلمات المكرره ( الشهد )




غـايـتـي طـلابـهـا فـي وسـط الـسـمـا عـزه يـحـوم

يـبـحـث عـن الـلـي افـتـقـد وغـايـتـي طـلابـهـا


وان صـابـهـا مـخـلابـهـا يـارحـمـة الـلـه الـرحـوم

واعـظـمـي يـالـلـي ارتـعـد وصـابـهـا مـخـلابـهـا




,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,

[العـ راعي ـليا]

النادم

صح لسااانك

والمعذرة على التأخير لأن هاليومين اللي راحو الإشتراك منتهي ولا تفرغنا له

الدور عندك


بس انتبه للكلمات المكرره ( ارتعد )

أنت ادرى بكل شعابها ... ذراها عن برد وسموم=لا تترك مركوز النهد ... أنت ادرى بكل شعابها
وإن شفت نقش خضابها ... في ليل غطّته الغيوم=حذراك جمرك لا يهمد ... وإن شفت نقش خضابها

[الـنـادم]

((( راعي العليا )))

الدور عندك


الـعـقـرب اكـلـت دابـهـا وصـاحـبـي قـلـبـه صـروم
وانـا تـرانـي مـسـتـعـد الـعـقـرب اكـلـت دابـهـا


الـشـيـب يـاشـيـابـهـا والـحـظ عـيـا لا يـقـوم
الـخـيـمـه وبـلا قـدد والـشـيـب يـاشـيـابـهـا

[عيونكـ غرامي]

صح لسانك لا هنتم على القصيده الروعه

سلمت الانامل

يعطيك العافيه