دعوى التبرج في جميع الميادين=فكرة غريبة وش بغوا من وراها
وش رايكم بعرض لكم فكر ثنتين=الكل منهم ماشية في هواها
الأوله تتبع طريق الشياطين=تلبس على الموضة وتتبع خطاها
لبس (ن) قصير ما سترها وهو شين=ضيق ونصفه فتحة(ن) من وراها
وعلى الصدر تلبس بدي فيه سيرين=والصدر كله طالع(ن) يا عراها
والشعر قصاته غريبة ولونين=أشكالهم عجبة وكل (ن) يراها
ولو اصبغوه أبيض ترى حيل حلوين=اللوك والموضة معاها معاها
وتلبس عباة(ن) تغضب الرب والدين=على الكتوف وكل زين(ن) كساها
فيها من اللولو والأحجار شكلين=ومخصرة والجسم واضح وراها
متلثمة والعين يا شايف العين=مرسومة بالكحل الأسود زهاها
ولا الحواجب فوقها مثل خطين=متنمصة ما همها وش جزاها
والثانية تحب لبس الأنيقين=وتختار ملبوس الستر ويغشاها
تاخذ من الموضة جميل الفساتين=وتعرف فنون اللبس وش محتواها
تختار ما يستر جسدها وهو زين=لبس الحشيمة زادها في حلاها
وحجابها كامل تغم العدوين=اللي دعوها للتبرج عداها
أهل الفساد الحاقدين الخبيثين=كم زينوا للبنت تنزع حياها
يدعون للتحرير والشك في الدين=ودعوى التبرج عارفين مداها
حسبي عليهم يا عرب قولوا آمين=مضمون فكرتهم عظيم بلاها
مهآآآآآجرة=
العرض الشجري
