حسبت إني مثل
هالناس
لكن ما توقعته ..!!
وحسبت إني ملكت
الاحساس
ولكن للأسف خنته
وهلت دمعة الحرمان
وشفت إن الغرام
أوهام
وضاعت بسمتي مني
وصرت بعالمي كني
حبيسة للألم أعوام
وشفت إن اللي حصل
اليوم
نتايج ما بقى من أمس
تخيل وضعي التايه
وسط غايه بلا رايه
تدلك لحدود ..
الهمس
وغابت شمسي البارح
لأني ماتوقعته ..!!
يصير الحب جارح
ولكن ماتخيلته ..!!
يوريني السعادة كيف
و آجي كلي أبيها لي
تضيع بلهفة أشواقي
تزيد الحزن بأعماقي
توريني الشقى والحيف
ولكني .. أحبه حيل
وهو لي بسمة وتعليل
أحبه .. لحدود الشوف
واضمه لخافقي ..
الملهوف
وأنسى ما بقى مني
مع روحه بلا تدليل
سمرت بصحبة نجومه
وحبست أمسه مع يومه
و اقول انه بيرجع لي
و أنا له .. فدوة كلي
ولكن للأسف روح
ترك لي .. باقي
علومه
ناوي يبتعد عني ..
خسارة ليه
وأنا اللي كنت متعني
أبوس ايديه
و أقول له لا تخليني
لأني مقدر الفرقى
و لا اتحمل تواسيني
لأن عيوني الغرقى
تبي شوفك بليا دموع
تحت ضي المحبة شموع
وتنسيني شقى عمري
وتقول .. إن الغلا ..
متبوع
العرض الشجري
