.
.
.
أنا بهالدنيا غريب
وشدني شي قريب
زهره ولا كل الزهور
ورده بها ريحت بخور
ماهي مثل باقي الزهور..
تشدني النظره لها
وحسيت ماتبطي تقول
لا تبتعد
وأعطيتها إحساسي قبول
حسيت برده لي كوى .... يمكن هوى
بلسم جروحي والدوى
نزلت أبي اقطف غصنها
قالت ترفق يالحبيب
لو تقطف الورده تموت
وقفت حاير جنبها ... وحسيت قلبي حبها
هي ما تموت !!!!
لا .. لا ماتموت
اخذ من تراب الهوى .. وأعطيها من جسمي دوى
ليش التشاؤم والفتور
في عالمي ... فيها قصور
هي ماتموت ..
مادام جسمي دفنها ... اغرس بقلبي غصنها
وأعطيها من نبع الحياة
بلسم جروحي والمياه
حبر وقلم ...
وقلبٍ يحب وينظلم
الحب مره في الحياة ... طعمه حلو
والحب بعده لو يكون.... ماله طعم
لو عشتي سنين
لو له تناسين
يجيك وقت ... وتذكريه
الحب الأول مستحيل .... يمر بك وقت طويل
وسنين عمرك لو تطول..
طعمه حلو ... حتى ولو
لابد يوم تذكريه
.
.
الغالي والقدير
سيدي ..طير مهاجر
أعتذر على خربشه قلمي
ولقلمكـ سحر خاص
يخترق صمتنا/ أوردتنا
ويفعل بنا ما يشاء
دامت حروفك بهذا السحر
ولك مني كل المحبه الاخويه الصادقه