السلام عليكم
لأول مرة أشارك في منتداكم
:: ( الــبــــعــــــاد ) ::
في غيابك يا بعـادك لا حضـور ولا وجـود=و في وجودك يا حضورك لا غياب ولا بعـاد
غيبتك تشبه غروب الشمس والفرحة شـرود=وتشبهك شمس الشروق وضحكة الصبح المراد
ألمحك في صفحة الطيـف الملـون بالـورود=وارسمك فـالروح باشواقي ولهفـي بازديـاد
يا حبيبي لا ذكرتـك جتنـي الرغبـة تجـود=وكلما غنّّيت شعـري زان طاروقـه وجـاد
لا ذكرتك تاخـذ السجّـات شغّـال الحسـود=ما بقى الا سجتين وتصبـح الجمـرة رمـاد
سجةٍ تاخـذ تفاكيـري مـع عيـن و خـدود=وسجةٍ تجبرني ارسمها مـع ريـش ومـداد
يا سقى الله يا حبيبـي حبنـا نبـت السعـود=بالقلـوب اللـي تملّـت،، بالمحبـة والـوداد
ولا سقا الله يا حبيبي ،، لحظةٍ فيهـا صـدود=ولا يعيـد الله عليّـه ،، طلبـةٍ فيهـا عنـاد
يا حبيبي ليه يتشمّـت بنـا الحـزن الحقـود=ليه يا من لا ذكرته ،، انتثـر فـي كـل واد
ليه تفرح بي وأنـا فـي اليـم نقالـة عمـود=طايحٍ فـي يـمّ حبـك لا وليـف ولا عتـاد
ليـه تتركنـي وانـا محتـار بيدينـي قيـود=ليـه تجفانـي ونـار الشـوق فينـي باتقـاد
يا حبيبي ليه تنفينـي علـى جـال الحـدود=وانا اظـن إنّـي بقلبـك مالـكٍ كـل البـلاد
لا تناسـى انّـا عقدناهـا مواثيـق وعهـود=لا ركـود ولا صـدود ولا بـرود ولا حيـاد
من غلاك اللي غدت عوج الحنايا لـه وقـود=من هواك اللي تنسنس بـه هباييـب البـراد
وين حبك ؟! يا وليفي وين صوتك والوعـود=ما تهنيت السهر وايـاك يـا منفـي الرقـاد
والله اني ساهـرك بالليـل و العالـم رقـود=همّهـم كنّـه بقلبـي والعنـا خيّـم وســاد
القصايد والقوافـي والشعـر عنـدي شهـود=القديمـة والجديـدة كلهـا لاجلـك جــداد
كل بيتٍ فيـك يتفاخـر عشانـه فـي عنـود=عطـرت عمـر المعنـى بالتـودد والتـواد
تشتعل نار العتب لك والغـلا رغـم البـرود=والعتب بين القلوب اللي ولايـف مـا يـزاد
يا حبيبي وقتنـا اللـي فـات لا بـدّه يعـود=وآيتي لا بـدي اقراهـا علـى روح الفقـاد
يا حبيبي لا تضرك خفقـة القلـب الصمـود=ما يموت الحب فينا،، لـو يغرغـر بالوكـاد
ساعة نهوى شغفها،، ظاميـة منهـا الكبـود=لو بغينا الوصل جانا لو نكـاد أو مـا نكـاد
داخلٍ باغلى حبيب لك مـن أخـوان وجـدود=لا يعـاد بنـا الغيـاب ولا يعـاد ولا يعـاد
في غيابك ما لهالعالـم بـلا حسـك وجـود=وفي وجودك ما يأثر بي وأنـا جنبـك بعـاد
أخوكم
السيف الخيالي
6/6/1427
العرض الشجري
