شفتها ياسعود صدفه بعد ماغابت سنين
عندقسم المختبر وسط مشفى الجامعه
جيتها ثم قلت ممكن في سوالي تسمحين
ناظرت فيني بدهشه نظره متواضعه
قالت انته تحسبني من بنات صايعين
تحسبني في زماني عن طريقي ضايعه
قلت انا ماراح اطول كلبوها كلمتين
وابعدت عني شويه ثم جتني راجعه
قالت اسأل واضح انك من ناس طيبين
بس هرجك يالسنافي كان وشهو دافعه
قلت انا حبيت وحده يوم كنا صغيرين
ومن ثما اسنين راحت للمواصل قاطعه
عقبها ماذقت نوم يهتنيه النايمين
ساهر في طول ليلي لين شمسي طالعه
اذكر انه فيه حبه فوق ثغره يمين
واذكر انه لاجرينا كن شعره تابعه
واذكر انه عاشق فالورد الياسمين
صار قلبي بالورود اللي عشقها زارعه
طابعا اسمه بقلبي فيه .س. وفيه .عين.
وفيه .الف. وفيه.دال وسط قلبي طابعه
قاطعتني بقولتها سبحان رب العالمين
كررتها مره ومرتين واربعه
قلت وشفيك وشبلاك يابنيه ترجفين
ليش عينك يابنيه من كلامي دامعه
قالت الموقف وقلبي والمحبه والحنين
كيف اشوفك بعد ماكنت عنك قانعه
قلت انا اسألك انكانك انتي تذكرين
عن مواثيق ثمنها من حياتي دافعه
قالت ظروف الزمان ماتطيع العاشقين
بيعوني غصب حبك لو ماني بايعه
انا في دنياي حالي كنها حال السجين
حتى لو فكوا سراحه فيه شي مانعه
زوجوني غصب واحد وحرموني حاجتين
السعاده في زماني والحياه الرايعه
والحين انا ام لثلاثه عندي (ريم) (وياسمين)
والولد( اسمه) على (اسمك) والمشاعر جايعه
اهديك هذه القصيده عساها ان تحوز على رضاك مماثله للقصيدة التي عنك اخوك الشاكي تقبل تحياتي وحترامي
العرض العادي
