ياجاهل بعرفـي انـا جيـت اعرّفـك=جيتك وانا واثـق بقولـي ومسئـوول
جيتـك بحـر تكسرتبـه مجـادفـك=جيتك صحاري تقهر انهـار وسيـول
جيتك شجـر ماكسرتنـي عواصفـك=(جيتك شموخٍ ماشعربه ابـا الهـول)
الليل ساتر بـس انـا كنـت كاشفـك=واللي كشفك احساس صادق على طول
ساعه وانا اكلم على خـط هاتفـك!!=ازهم عليك ويطلع الخـط مشغـول!؟
طال انتظاري وانت طالـت سوالفـك=ياطول ليلك لاغدى الهـرج معسـول
الامـر واضـح والشواهـد مواقفـك=لاتبرر الموقـف ولاتصيـر مذهـول
ماجيت اعاتب نبض قلبـك واحلفّـك=ولاجيت ادور شرح منـك ولاحلـول
القلـب قلبـك والعواطـف عواطفـك=والحب حبك والمحانـي لهـا قفـول
حبيت اوضح مابـدر مـن تصرّفـك=وحبيت اوضح شي غامض ومجهـول
لاتتصـل فينـي ولانـي مهاتـفـك=وان اتصلـت بيطلـع الخـط مقفـول
العرض الشجري
