تحيه طيبه معطره بالبخور ودهن العود
لأعضاء منتدى الود الكرام
أحبتي في الله أسعد الله أوقاتكم بكل خير ويمنى
لا أعلم من أين أبدا أو بالاحرى من وين أبتدي الموضوع
الموضوع اللي براسي موضوع كبير وبصراحه ما ينسكت عليه
وحبيت أطرحه بصرحنا المؤقر لنأخذ أكبر قدر من الاقتراحات والحلول
يمكن رأي أو حل أو وجهة نظر تنهي الموضوع بس شلون لمن يكون الموضوع
هو قلوب الناس من يقدر يغير قلوب الناس يا ناس !!
باالتأكيد كلنا عرب ومسلمين ونتبع عقيدتنا وسنة رسولنا عليه أفضل الصلاة والسلاام
لكن اللي أشوفه مايدل على هالشيء خير شر مره موليه أبد كلش ملش هلش ..إلخ
يعني بصراحه على قولتهم تقوله أنت مسلم يقولك أي اصلي احج أعتمر بيت الله
أعرف أنطق شهادة إن لا إاله إلا الله ومحمد رسول الله وأزكي وأصوم واعرف حقوق الجار
وأخدم والديني يعني من هالامور اللي عرفناها من ديننا الحديث
بس لمن تقوله زوجني بنتك يقولك لا لأ ؟ إي ليش لأ ؟؟
الموضوع يا جماعه بختصار شديد
أحتكار بعض كل من
بعض القبائل بعض العوائل بعض المذاهب بعض الاحزاب ...ألخ
نظام شنو ؟ يقولك البنت تتزوج ولد عمها ومايصير تتزوج شخص من قبيله ثانيه ؟؟
يا جماعه والله العظيم أنا رفيجي تقدم لوحده من أحدى القبائل المشهوره
ورفضوه ليش السبب : لانه مو بنفس القبيله ولا ما يعيبه شيء
يا جماعه شنو ذنبه هالولد يتعذب وينحرم من اللي يحبه بعد ما وصل مع اللي يحبها
لأخر مراحل الحب الناجح وهي الزواج !!
ليش الاحتكار هذا بالله اي إسلام تدعون
بل أنتم تكفرون لعلمكم والدليل معاي
بسم الله الرحمن الرحيم
( وخلقناكم شعوبا و قبائل لتعارفوا ان اكرمكم عند الله اتقاكم) صدق الله العظيم
وأنتم يا مدعين الأسلام ترفضون قول الله تعالا بحجة انه الولد مو من نفس القبيله
وللعلم أكثر المشكلات التي تحصل بالمحاكم ومن ثم الطلاق وتشرد الابناء يكون
الزوج والزوجه أبناء عم !!
ولو انه من قبيله أو عائله ثانيه يكون زواجه ناجح وله مستقبل حلو
لمته تسقون البعيد وتخلون القريب !!
ياخي دامه مسلم ويصلي خلاص ياعموو زوجه بنتك (( شماله التعب هذا ؟))
وللعلم الظاهره هذه موجوده ليومنا هذا وماني عارف القى لها حل دامه بقلب الانسان نفسه
دامه ماتغير صعبه اني أغير قلوب الناس
أنا ما أقول كل القبايل بعض القبايل وصدقوني يا جماعه هذا شيء من عصر الجاهليه
ناس تقول حنا مسلمين وللحين ماعرفو مفهوم الإسلام شنو هو
وأنا ترا ما تكلمت إلا إني بيتي الثاني
وأتمنى أسمع أرائكم وحلولكم
علا وعسى نلقى حل للمصيبه هذه اللي حنا محسوبين أمام الله ورسوله عنها
( فـ ذكر أن الذكرى تنفع المؤمنين )
والسموحه على الإطاله
أخوكم فواز الكويت
..
تحياتي القلبيهـ
العرض الشجري
