اذتني هالقرقريه صمتها دمعه
يالنايف وانا اختك الى متى وانت عزوبي شف نفسك هذول العالم كلهم عايشين وراك ما تعيش مثلهم
رح اطلع شفلك بنت حلال و تزوج اعرف انه ما راح ترضى فيك الا وحده ما عندها نظر وعليها قل صح
لكن ما تدري يمكن تصدف وانا اختك جرب ولو انه الامل ضعيف والسبب وجهك اللي كنه ركبة حاشي بس هذي ارزاق اطلع حاول تتعرف بالبنات رح السوق دوج بالمجمعات
اكيد راح تلاقي احد رز نفسك قدام اي حرمه
المهم يا اخواني مخمخ الموضوع في راس اخوكم
قلت يا ولد اكشخ فيها خذ لك لفه في شوارع الخبر من باب الاستعراض المهم اخوكم قام يعرعر من الكرنيش الى الراشد سنتر
والله يا مرني يا اخواني اني ما اوقف الا عند قزاز للعطور ((هذي اول مره اعرف قزاز فيها بيني وبينكم كنت اسمع فيه بس افكره يبيع( قزاز) وما عرفته الا بعد هالسالفه )) وكان قدام المحل فيه بنات مجتمعين على الدرج الي تحتري سواقها والي تستعرض نقابها والي تحتري الصلاه تخلص بتشتري عطر( ابو طيرين) لزوجها والي بتشتري لها عطر بنكهت الدارسين والي والي
المهم انا فيني رجه وخبال ليمن شفت الحريم تجيني يا اخواني دوخه واحس بجفاف في عيوني مع عتمه بصريه وقلبي يقوم يرجف رجف (تقول طوير هلكان )
المهم انا شفت البنات وجها لوجه واتذكر اني كنت ذاك اليوم محلق الدقن وان ما خاب ظني ا الحلاق( شاهين مختار) غاشني وحط لي مع النيفيا ميك اب لانه وجهي غاديله لمعه وغاديله وهجه والشنب يلمع لمع غرشه سلفكرين حاطها عليه ومتطيب بذاك الطيب السنع (شاريته لي اختي صمتها من باسكن روبنز)
المهم يا ارض انهدي ما على الارض قدي نزلت وما ني جايب خبر لاحد
اخوكم يا جماعه نزل (انتبهو للمشهد) وصار خارج السياره و الباب مفتوح والمسجل يغني والاغنيه للمطربه رباب الي تقول فيها(( كنا كل ليله نتلاقى كل خميس ... لا حبيبي ما جاء هالخميس)) اغنيه مشهوره ومن خبالي حاط الاغنيه يوم (الثلاثاء) المهم ابتعدت عن الباب خطوه خطوه وكل خطوه فيها طن ثقه ((وفريت راسي)) او (بلغه) اكثر ثقافه ادرت وجهي قليلا صوب البنيات مع ابتسامه خفيفه وسلهمه بالعيون على ربع كيلو عزه وانفه على كم غرام وسامه على كم كيلو غرور على شوية احساس بالمفهوميه وبعد كده صكيت باب السياره بكل ما اتاني الله من قوه يازعط اني رجال مستعجل وما عندي وقت ولا صكيت الباب الا والباب صافق( صاك) على اطراف اصابعي الخمسه وقبل ما اقول (اي) او(آه) اواصيح سمعت وحده من الحريم (تقول ايييييييييييييييييي احححححححححححححح يووووه صك على اصابعه هالمهبول ) ووحده ثانيه تقول شوفي شنبه شبر يوم صك الباب على يده الله اهم ربي لك الحمد
وو حده ثالثه سمعتها تقول من وقفتك بهالكراسيدا وانا اقول وش جاب هالاشكال هنيا المهم ما اخفي عليكم بحركه سريعه فيها ذكاء ودها الصعاليك امثالي حركه غير معهوده فتحت الباب بيدي اليسرى في لمح البصر وسحبت اصابيعي ولا كان شئي صار ولا صحت ولا بينت لهم اني اتالم او صكيت على يدي (اتذكر كان موقفي بطولي جدا يحسب لي في هالحياه) واتجهت في خطوه موزونه نحو باب قزاز ارقى الدرج بثقه ايظا وابتسم ابي اقنعهم ان الي شافوه مجرد تهيات وخيال
وانا اطلع الدرج شفت وحده تناظرني وتبتسم وعلى قلت يا ولد لا تضيع الفرصه عطيتها غمزه من العين لعل وعسى الاقي فيها العوض
ولا امداني اعيد الكره
الا اسمعها تقول يا اخ تلاحق نفسك روح مستشفى اصابعك تنزف دم الدرج صار لونه احمر من دمك
تالاحق عمرك وبعدين تعال الله ياخذك وياخذ اشكالك
هذا وسيارتك كراسيدا اجل لو شبح وش بتسوي يا وجه الفقمه
والله من وقفتك وانا اقول هالتييييش وش عنده هنا جاي
انا اعرف اشكالك ما يشترون عطورهم الا من عند الحواجين <<<<<< ريحته حلبه الاخ
عاد انا حيلي وذكي من وانا صغير حتى اختي صمتها خبال تدري فيني رغم حظي المايل المهم
طبيت طباب من الدرج وافتر ذيك الفره ولا كاني اشوفهم وحط رجلك على اقرب نافذ المهم تصد
وعلى البيت طوالي ويوم شافتني هالمهبوله صمتها دمعه قالت ما عليك يا النايف لي صديقه اخوها طاح من برج المملكه وله سنه في الانعاش وما عابه
قلت لها ظنك يا صمتها لو رحت لقزاز مره ثانيه بيتذكروني لو شافوني البنات <<<<<<<<< يلعن جبروته لا زال عنده امل
قالتلي ما راح يتذكرونك ما اعتقد لان وجهك مو مالوف لانك انت واشكالك المبعرجيه غير مالوفين ( مبعرجي تعني راعي بعارين)
اللي قاهرني انه قزاز ما طلع يبيع قزاز ؟
العرض الشجري
