السلام عليكم ورحمة الله وبركاته
أخوي العزيز// بحر الشوق
أشكرك على هذا الموضوع والفكره الرائعة
والتي تجبر الواحد على المشاركه..
كما أشكر كل من شارك وأبدع في الإجابه على الأسئلة
وهذه مشاركتي.. أرجوا أن تحوز على رضا الأخ الغالي// بحر الشوق
والإخوه القرآء
.................................................. ........................................
((( مــن أنت ؟؟؟ ))))
انا اللي أستوطن بداخل ظلامه وإلتقى بالضي = بعد مــا دار في دنيــا كــثير الظلم معميها
انا اللي حـارب بنفسه غزاة(ن) من بـلاد الغي = أنــا اللي ودّه بنفس(ن) تــعـلت عـن مغـوّيها
**********************
((( من حبيبك ؟؟ )))
هذاك اللي ليا من الزمان أظلم علي وجار = اجي لمه و فــ احضــانه يــضيع الهم والتفكير
هــذاك اللي ألاقــي في محيـّـاته برود النار = وألاقي داخله صدق(ن) سما عن كلمة التزوير
**********************
((( مــاذا أعتطك الدنيــا ؟؟ )))
عطتني كل شي ولا خذيت إلا قـليل الشي = خــذيت اللي أبــي مـنها وبـــاقـيـها تعـايفـته
عطتني وما خذيت إلا دلايل دلت إني حي = خذيت القــل وفــي نـفسي قـليلي ذا تكــاثرته
**********************
((( مارأيك بالناس في الوقت الحالي ؟؟ )))
قصيدة مبتديء بالشعر فيها الزين والمكسور = ولاكن كسرها غطا على جملة محسنها
بــها معنى ولاكنه تخبط في ظلام ونور = بها أخطاء تتحسن و اخطا ما نـحــسّــنها
**********************
((( ماهو حلمك؟؟ )))
حلمي إن الأرض تسلم من دناسة كل غاوي = ومن سواد(ن) مكتسيها ظاهر(ن) وبشكل زايد
حلمي إن الجرح الأعــظم فينا يلقــا له مداوي = حلمي إني لو اموت أمــوت لاكن مو مــحــايــد
**********************
((( هل مات الأمل لديك؟؟ )))
الأمــل عــندي مثل رجل(ن) تعــدى الأربعين = داخــله بــاقي شباب وخارجه لاح البياض
قلت لامنّه مرض باقي على الموت إصبعين = وإن تعافا شفت في وجهه بهاء كــل الرياض
**********************
((( من صديقك ؟؟ )))
من سمع هــمّي وصدقني وشال أحمال جوفي = من فهمني من كتبني من جبر كسري وراف
مــن يلاقي العذر فيني قبل لا أشــرح ظروفي = من يثبت قـالتي لا مـن طرى بالـفـكـرقــاف
**********************
((( من عدوك ؟؟ )))
صاحبٍ لا من ضحك وجه الزمان القاه حولي = وإن عــبس وقــتي تبخر وأمطر بأرض السعيد
فــي ربـيعــك تــلتقــيه وكــنه إلا نبت حولي = وقــت ما تمطر ديــارك ينبت بطــلع(ن) جــديــد
**********************
((( عرف الكلمات التاليه:- )))
((( الشووق )))
جمرةٍ في جوف حي(ن) كل مطفـيها تشبّه = ما يطفيها صبور وكل صبر(ن) محـرقـا
حــرقـــها مــاظن لــه ترياق يشفيه ويطبّه = ولا يداوي حــرقها وإحــراقـها كـود اللقــا
**********
((( الخيانه )))
خنجر(ن) مــسمـوم في ظهر الصدوق ومقتله = بــه وفاته وإن تشــافا صــدفـةٍ يـبقى أثـــر
كل زهر(ن) لو نبت به ماضي جرحه يذبله = وكل ما حاول يسوق الخطوه في جرحه عثر
*********
((( الوفـــاء )))
بذرةٍ لا اســقـيتها بــالود توصــل للسمــا = هي طريقك للبياض وهي سبيلك للوصول
دونــها تبـقى فـ دونــك من ظلامك للعــما = دونـها تبـقى حــياتك من نــزول(ن) فـي نزول
*********
((( الــجـــرح )))
ناتج الفعل المخالف للتوقع والمراد = يبقى من وقعه في داخل نفسك إزعـاج وألم
يعني بالعربي نتيجة رميةٍ تعني البعاد = أو بقايا من علاقه انت فيها من ظـ(و)ــلم
**********
((( الــعـطـــاء )))
فــعـل مــزنه تسقي الما لليـبـاس ولا تمنـّــه = مــا تنــدّم إن نبت أوما نبت زرعه وطال
تنثر الما ما تحــسّــب قـطرها في كل دنـّه = وإن طــلبها كــل ماها ما تقول له ذا محـال
**********
((( الــحـــزن )))
ركــنك المظـلم وناتج فـقـد غالي = مــرّك اللي دونه ما تعرف حلا
شاطي(ن) في داخلك عانق زوالي = ليــلك اللي من ضيا بـدره خلا
**********
((( الإبتســــامه )))
تعــابير السعــد داخلك/ تصويرك بــأبها لــون = مراسيم الزهر في لوحك الأبيض وتلوينه
ضياك المشرق بوجهك/ مصابيح الضيا بالكون= لحنك اللي يحاول كل من حبك في تلحينه
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&
أكرر شكري وإمتناني على مثل هذا الموضوع الرائع
ولكم أحلى تحيه
أخوكم // (( الـبــــارود ))
العرض المتطور
