قَالَتْ تِصَــبّرْ يَا حَبِيْبي وِشْ بَــلاَكْ؟؟ =والله حَـــلاة الصَّــبْر بِـالآخِـــرْ عَســـَلْ
هَــذا قَــدَرْنَا ولِيْــتنِي خِــلّي مَــعـَاكْ=كِنــْـت أْمسَــحْ دُمُــوعَــك إذا مِنّـه نَزَلْ
قـُـلْت المَـــسَافَة كِنّـَها دَرْب الــهَلاكْ=وكِنّــي أشُــوف البـَـدْر يـَا عُــمْرِي أَفَـلْ
أحْسِبْ ثَوَانِي الوَقْت يَا حُبِّي بـِـهَوَاكْ =وُلـَــمَّـا تـِـغِيـْـبِي دُنـْـيـَــتِي كُلـْــهَا مَــــلَلْ
قَالَتْ حَبـِـيْبِي لَوْ تِفـَـكَّرْ ويَا عَـــسَـاكْ =مَانــِي لِـغَــيْرَكْ والله لَــوْ مَهْـمَا حَــصَلْ
إضْحَكْ حَبِيْبِي وخِذْ مِنْ عُيُونِي دُوِاكْ =و إلاّ تِبــِيْنِي ابـْـــكِي مِثــْــلِكْ أَوْ ,, أَذِلْ
قُلْتْ اسْمَــعِي لَمَّا سَــألْتِي, وِشْ بَلاكْ =كِنّــي أحِــسّ القَــلْب فِي حُضْـــنِكْ غَـفَلْ
ولَمَّا نَصَــحْتـِـيْنِي وُقِلـْـتـِي يَا عَـسَاكْ =والله الحـُـزْن يَا شـُـوْق مِــنْ قَلْـبِي رَحَلْ
قَالَــتْ أحِبـَّـكْ,, قُــلْت أدْرِي يَا مَـلاكْ =هـَــذِهْ حَقـِـــيْقَة والله مــا فيـــها جــــدلْ
قَالَتْ عُـيُونَكْ,, قُلْت ورُمُوشِي غِطَاكْ =قـَــالَتْ شِــفَاتَكْ ,, قُلـْت مَا منِّـك تِــمِلْ
والله اعـْـذِرِيْـنِي وأسْــعَد الله بِمـَـسَاكْ =كِنّــي أشُــوفَك غَــارِقْ بِحُــمْرَةْ خَــجَلْ
شُوقِــي تِعَـنَّى بِالْـهَوَى غَصْـبًا دَعَـاكْ =حَــاوَلْ يِفَـتّــشْ فِــيْ حَنــَايـَـاك وسـَـأَلْ
ادْرِي بـِـأنِّي دُنْــيـِــتِكْ وانـِّـي مُــــنَاكْ =وانـِّــكْ بِقـُــرْبــِيْ مِثـْـل بـَـــدْرٍ إكْتــَمَلْ
سُبـْـحَان مَــنْ صَـوَّرْ جَمَالَكْ ويَا حَلاكْ =لَــمَّـا تِــعَاتِـبْنِــيْ ,, وَأبـَـادِلْكْ الغَــــزَلْ
العرض الشجري
