زمان الصمت ( مصافحة أولى)

[فيصل التيماوي]

السلام عليكم ورحمة الله وبركاته
اخواني واخواتي اعضاء منتديات الود
يشرفني ان اعرض لكم احدى قصائدي المتواضعة كمصافحة أولى في هذا المنتدى الجميل

في زمان الصمت أنظر للبعيد=يم هام النجم هاجوسي سرا
ومن فنون العشق عبّر ياقصيد=بس انا وياك والهم اخشرا
الجروح اكثار وبقلبي تزيد=انجرحت وجرح توه مابرا
وجسمي اللي ناحلن كنه جريد=من صدوف الوقت جاله ماجرا
سبّت اللي باعني ابشين زهيد=باعني بالظن والله ماشرا
في زمان الصمت خلاني وحيد=في سراب الوقت واشوفه ورا
مع مرور الوقت ينذاب الجليد=تظهر الاسباب وانت مخيّرا
ان رجعتي رجعتك والله عيد=رجعتك والله عندي تشترا
وإن رحلتي إرحلي عني بعيد=عقب شرب الماي ترجع للثرا
القرار ابيدك واسمع ياعنيد=القزاز اذا انكسر ما يجبرا
اشعل النيران واضرب بالحديد=مايصيد الصيد فرخ الحمّرا
والبسي لي عقد ونرجع من جديد=وماكرك بالقلب عز الماكِرا
واسئل الصياد يوم انه يصيد=من خبر ظبين يصيد القوصرا

اخوكم ومحبكم / فيصل فهد التيماوي