جمعي إحساسك ثواني
ولمي أشواقك عشاني
واخذي أوراقك وكتبي
كان جد انتي ولهتي
أكتبي لو نص رساله
من نبض في أعماق قلبك
أكتبي لي أي حاجه
أكتبي .... كلمة أحبك
أكتبي
كان اشتقتي ووحشتك
كان حنيتي لصوتي
لضحكتي ..
لشعري ..
لسكوتي
أكتبي مو صرت أعرفك
لما ودك تكتبين
تشعلي لك شمعتين
وتجلسي لك ساعتين
تكتبين .. وتمسحين
وأن نظرتي لـ أي صوره
كنتي فيها تسرحين
عدي الأيام اللي
غبتي فيها عن عيوني
أكتبي عنها فرساله
وكيف عشتيها بدوني
أكتبي عن يوم عيدك
عن دموعك
عن جديدك
أكتبي عن كل شي حولك
عن رذاذ المطر
عن سواليف القمر
عن فجر يومك بغيري
وكيف من غيري تصيري
سولفي
عن طلت الورد للصباح
عن مشاوير الجراح
عن دموعك تحت خدك
عن سواره بين يدك
أسمي مو موجود فيها
أشعلي الظلمه بدموعك
وأطفي حولك كل شموعك
مثل ما أنا أتخيلك
لاني جاي اعتب غيابك
ولا بقلبي أني أسالك
جيت أشوفك
جيت مشتاق لحروفك
وأن فقدتي الكلام
وكل جملات الغرام
أكتبي لي ..
"أشتقت لك"