فتح ياسر القحطاني نجم الهلال والمنتخب السعودي النار على بعض الصحفيين الذين استغلوا حادثة الشجار بينه وبين محمد نور في مباراة الاتحاد والهلال، في ختام مباريات الدوري السعودي، وقال لمراسل صدى الملاعب في السعودية ماجد التويجري إن المشكلة انتهت في الملعب، ووجه رسالة خاصة لزميله وصديقه محمد نور، فما هي؟
ماجد التويجري: ياسر كان كلام تردد كثيرا بأنه يمكن لجنة الانضباط يكون لها كلام آخر؛ إيقافات، اليوم الأنباء اللي سمعناها إنه فقط رادوي مباراة ثانية؟
ياسر القحطاني: زي ما قلت انت لجنة الانضباط تقوم بعملها، سواء كانت في وجهة نظرنا صحيحة أم غير صحيحة، في النهاية هي قرارات ويلتزم فيها الجميع.
ماجد التويجري: أنت من وجهة نظرك على الأحداث اللي صاحبت الموضوع، لجنة الانضباط ظلمت رادوي؟
ياسر القحطاني: ما أقدر أتكلم في المواضيع هذي صراحة.. أبو تركي وأنا ما تعودت إني أعلق عليها سواء كان صحيحا أم غير صحيح.. نترك الرأي لصاحب الرأي.
ماجد التويجري: طيب انت قلت بعد المباراة مباشرةً لا تفخمون الأمور للإعلام، هدوا الأمور وما أدري إيش، لكن في الواقع شي يا ياسر حدث على أرض الواقع والإعلام هو ناقد؟
ياسر القحطاني: أذكر المشكلة ولكن لا تنسى اللي حصل بعد المباراة، لا تنسى ويش بينا وبين بعض احنا اللعيبة، يعني أنا دايما أقولها احنا ليش عندنا التركيز على الجهة السلبية وترك الجهة الإيجابية، اذكر السلبية قدر ما شئت ولكن لا تنسى الجهة الإيجابية دايما.
ماجد التويجري: ياسر عشان بس تبادلتو الفلائن وتباوستو بعد المباراة يعني خلاص ينسون؟ في شي حدث بعد، تضاربتو انتو داخل الملعب؟
ياسر القحطاني: طيب أوكي أنا أقولك هذا ضد الإعلام يمكن أنا تضاربت وياك ها الحين ماجد، وبعد نص ساعة أحباب، لكن زي ما قلتلك أنا الإعلام.
ماجد التويجري: طيب إذا جينا على الحدث ياسر، الشرارة كان ياسر ونور، راشد الرهيب ورادوي، مين الشرارة؟
ياسر القحطاني: المباراة فيها 22 لاعبا.. محتمل يكون فيها أي ظرف يكون من خلاله في خلاف في الملعب، ما في شرارة ومو شرارة ما أعتقد، حبايب.
ماجد التويجري: حبايب بالكلام ياسر؟
ياسر القحطاني: لا والله حبايب من جد يعني، ما في أي شي بيني وبين نور.
ماجد التويجري: طيب عبر صدى الملاعب شو الرسالة اللي تقولها مثلاً لمحمد نور قائد فريق الاتحاد؟
ياسر القحطاني: أقوله الله يوفقك إن شا الله في المشوار الأسيوي واحنا تعودنا الاتحاد في وضع أفضل، وإن شا الله هو في طريق العودة، وأرجع وأقول إنه نبقى احنا لعيبة منتخب واحد ولعيبة وطن واحد وهدفنا واحد، وأتمنى إن شا الله إنه ما يؤثر على لعيبة الاتحاد الإعلام أو حتى يؤثر على زملائي في الهلال.
"صراحة بعض النقاد أو المحللين أو الكتاب صراحة اللي صاروا يعني نقطة سوداء.. الصراحة في صحافتنا السعودية، يعني في بعض النقاد أو الإعلاميين يستغل أي فرصة إنه يتكلم ويتمنى ويدّعي، أنا أتوقع أنه يصلي في الليل عشان تصير في مشكلة عشان يبدأ يحفر ويتكلم.. وفي النهاية احنا ما راح نرد على ها الكلام".
المصدر العربيه . نت
يمكن يكون صادق ويمكن يكون كذاب ويطلع نفسه مثالي
الله اعلم بنيته
العرض العادي
