هبوب النود هبّت والهوى بين الضلوع يلوب ..
وصكات الهوى يا أهل الهوى ما هيب تنطاقي ..
و إلى فارت كناين صدري (إ) من الحر واللاهوب ..
الاحيها .. و أناحر للهبوووب تهب خفّاقي ..
تذكِّرني .. ولامنّي ذكرت الحب يالمحبوب ..
ذكرتك يا بعد كل اصدقاي .. وكل عشاقي ..
يا ويلي منك ما شاء الله عليك ويا عليك إسلوب !.
يزعزع سطوة الساطي .. ويخلف هقوة الهاقي ..
تراسلني ... ولامنّي قريت الخط والمكتوب..
تحدّر دمعي .. وجرّح خدودي وأحرق أوراقي ..
تذكرت.. الكلام اللي على راس اللسان يذوب..
تمر الكلمه ويبقى صداها داخل أعماقي..
بغيت اسلا واقفّي عن دروب اهل الهوى وآتوب
وأكفر عن ذنوبي وآتلاحق عمري الباقي..
لكنك جيت في دربي .. ولحقت الذنوب ذنوب ..
وأظنك بتحداني للهلاك ...وتقطع ارزاقي ..
أشوف إنك فريد ... ولا لحقك العيب والعذورب ..
سعيت لكل درب من دروب الخير سباااقي ..
عذولك لو بغى ! والله ما يلقى عليك درووووب ..
اعرفك .. والله انك ما تخالف فيك الأذواااقي ..
تتبعتك ولا حصلت فيك الا ثلاث عيوب !.
تعاملك الرقيق ... ومستواك وفكرك الراقي ..
تواصيفك عجب ! حسن وأدب فتنه وسحر قلوب
خليجي من مواليد اصفهان ..و دمّك عراقي ..
لو إني بقدرك والله لحطك للحلا مندوب ..
عشان تحرّم اللي مدمنة لـسواق الأسواقي ..
انا وشلون؟ والا كيف؟؟اروح بصوب وأنت بصوب
عقب ما حن رعادي عليك ولاح براقي ..
انا (في ذمتك)و(ادخل عليك)..و(طالبك مطلوب)..
لا عاد تجيب لي ذكرى الفراق وتطري فراقي..
عقب ماجبت لي ذكرى الفراق..وخاطري منكوب
تعكر جوّي ..وضاقت عليّ ..وشانت أخلاقي..
مع إني والله إني خابر ٍ عقب الشروق غروب ..
وهذي سنة الله سنّها في كل الآفاقي ..
و كلٍ يجتهد واللي يجيه مقدر .. ومكتوب ..
عليه انه يكافح .. ويتوقّى / والله الواقي ..
ختام العلم يا أغلى من عرفت وصار لي محبوب
تقبّل حبي..و وافر سلامي وأصدق اشواقي..