جيت بفضفض ,, أحسني حييييل مقهوره ..ومضايقه ..
المهم قصة وبحكيها ..
عندي وحده أعرفها وأعزها حييل وأحبهااا موووووت ...هذي البنت كانت حييل تتمنى الزواج
لدرجة تعبت نفسيتها وصارت تعصب كثير وتضايق وكل اللي حوليها كانوا يحسسونها إنها
بلا زواج ماتسوى شيء ويحاولوا يضايقونها بالكلام والأفعال المزعجه ,,كانوا أهلها يقولوا أن
حل الوحيد عشان تثق بنفسها انها تتزوج وتحقق اللي تتتمنى ,, مكان عندها مواصفات لزوج
المستقبل كان المهم والأهم أنها تتزوج وبس ,طبعاً كانت تحكي لي كل شيء, وحاولت أقنعها
وأغير فهمها أن الحياه مو زواج خاصة أن عمرها 30 صغيره وبصراحه البنت مشاءالله كانت
جميله جداً واحل بنات العايله وكانوا يغارون من آناقتها ومظهرها ,, أي مكان تتدخله كانت
تغطي على الجميع وتىأكل الجوا عليهم (حسب رايهم وكلامهم )وتجذب الناس بجمالها ومظهرها لدرجة حتى أنا لو أجتمع
معها بمكان راح احس بهذا الشيء ,لكن بحكم حبي لها أفرح وأنبسط لما الآحظ الكل معجب فيها ..
لكن مشكلتها كانت مجرد مظهره بدون ثقه مكانت واثقه بنفسها أبداً ,, رغم شخصيتها الجميله
كانت تدقق فقط في عيوبها وسلبياتها وهي ماكملت تعليمها للثانوي وقفت , وتسمع لاراء ناس أجزم أنهم ماكانوا ينتقدون
إلا من كرهه وغيره وحقد .. والمشكله الأعظم انها تعرف هذا الشيء لكن تسمع لهم وتتآثر
..
مرت الأيام .. وإنخطبت البنت هذي لرجل عن طريق جارهم ,, مايعرفونه ولا يعرفهم ..
وجاهم وقدم نفسه لهم ومدح وأثناء على نفسه كثيرر ,, وفرحوا الاهل والعائله كلها ,, وأنا فرحت
أن حلمها واللي تعب شخصيتها قرب يصير حقيقه
وراح ترتاح لأنها شايفه أن هذا الشيء المهم
في حياتها ..برغم أن هذا النظره والأعتقاد
خاطئ والزواج شيء من الحياه لكن مو كل الحياه ..
نكمل / اثناء الخطوبه جاهم وجلست معه وطبعا كانت مستحيه ما كثرت كلامها
شهر وملكت بعد ماملكت خطيبها خفف زياراتهم لها ,
مره يقول الزواج شهر 10 , ومره شهر 11,
ومره السكن قريب من أهلها , كان متناقض لدرجة مزعجه ..ومقلقه ..آه نسيت أقولكم أنها زوجة ثانيه وأهلها واقفوا لأنها تبغى تتزوج وما احد جاهم الا هو فخافوا عليها وقالوا بما أنه اخلاق ويمدحونه الناس وسمعوا كلامه عن نفسه ومعلوماته الضخمه وافقوا ..
نكمل / لما شافها بشوفة الشرعيه طار عقله وأنهبل بجمالها وكان حريص انها ماتروح عنه
لدرجة كذبببببب كثيرررررر عليهم قال عندي وعندي ...ووووو...
حسسهم انه غني واغنى واحد بالعالم .. وبحكم أعماله كلها حره برايهم ماتقدر تتاكد
من خلال مؤسسات ولا تجار معروفين ,, صدقوه ,,لين ملك عليها ,, بعدها خفف زياراته لهم ,, وكان مزعج بهذا الشي ,,
كل عروس تحب خطيبها يزورها ويجيب لها هدايه ..
هو ابدا ماجاب شيء حتى في الملكه لها ..
المهم أختها تقول .. كل ماراحوا له على أساس يشوفوا البيت يقولهم لسه مالقيت بيت
لين صار باقي أقل من شهر على الزواج ,, قالهم بسكنها قريب من بيتي الاول .. وطبعاً في
بيته الأول شبه قرية ..
طبعاً انصدموا لكن مافي مجال يعترضوا
لان البنت خلاص ملكت وخافوا يتراجعوا عنه تتعب
نفسيتها لأنهم جربوها قبل والناس ماراح ترحمها خاصه انها جهزت كل شيء..
فكانوا غصباً يتم هذا الزواج ,, على أمل أنه يكون مجهز بيته لانهم شرطوا عليه بيت ملك
ويتآثث بأفضل آثاث..
المهم باقي ليله على ليلة الزواج ,, راحوا أخواتها
يزفو دبش العروس لبيتها ,, كانت صدمه كبيره لهم ..
البيت وصخخخ جداً ,, ومغبرر ,, والأثاثا قديم واضح
انه قديممم وصخ وريحة ,, حتى تقولي كنا
نقول لو اثاث قديم ماعليش بس كيف اللي
ساكنين فيه قبل كانوا كذا وصخين ..؟! مو معقول ..؟
طبعاً .. كلمه اخوها وكان جداً معصب ان البيت
وصخ وقديم وفين وعدك .؟ وشرطنا ..؟
اتصل على ابوه وراح ابوها بيتها وشافوا وتخاصموا جداً معه ..وصارت مشكله كبيره .. لكن كانت الساعه تقريباً 11 مساء وزي ماقلنا الفرح بكرا ..
كانوا مضطرين يمشوا اليوم ويعدوه على خير لانهم عزموا كل قرايبهم واحبابهم وهذا زواج اول بنت عندهم خافوا من الكلام ونفسيت البنت ..
وطبعا أخذوا منه وعد انه يغير كل الأثاث بعد الزواج وكانو متفقين بينهم أنهم يجبرونه
عن طريق البنت ياخذونها عندهم واذا يبيها يرتب لها بيتها ويغيروه كله ..!
طبعا حلف لهم انه جديد وانه شراه .. بس كان كذابب ق د ي م ..
طبعا بعد الزواج البنت حبت هذا الرجل مرااااا ,, برغم من انه كان جدا مقصر معها ,, عروس
بيتها قديم وحضر زواجه بملابس قديمه ,, وفي ليلة الدخله جاها بثوب نوم ممزق ,,وكل
ملابسه اللي ببيتها قديمه , وهي جاته با احلى جهاز ,, وطبعا لا سافرت ولا مطاعم ولا شيء
من 2 اسبوع طبخت له والى بيته الثاني ..
اقنعها ان يوم لها ويوم لزوجته الأولى ,, وطبعا زوجته الاولى عندها اولاد كثار ..
اليوم رحت أزورها أنا وصحباتها انصدمنا من البيت الأثاث واضح انه قديممم أنا مررره انقهرت
وحتى حكاويها لما تحكي لنا عنه مرررره كرهته ,, لدرجة صارت عندي عقده وخوف من الزواج معقوله في رجال كذابين وخونه ومقرفين زي كذا ..
,, والمشكله انها تحبه موووت مشاءالله ..لان تعامله ولسانه ينقط عسل .. احس الزواج مو
كلام حلو الزواج اكبر من دلع لفظي الزواج مسؤولية ..
تخيلوا لما طلبت فلوس ملابس شتاء رفض قال ليش وضل يلبسها فروته عشان البرد ..
بحجة ملابسك جديده مايحتاج وصح العيد قبله كان لها 20 يوم ورفض
يعطيها للكوفيره تتزبط
لين بالموت أقنعته وزعل والصراخ أعطاه 500 فقط ..
طبعا عرفت اليوم ,, انه بيعها دبلتها أول شهر زواجها ,, هي بنت طيبه وضعيفه شخصيتها
قدر يقنعها ولأنها تحبه استغل هذا الشيء فيها ..
واقنعها وباعها او بالاصح باعتها ,, وقبلها كانت عندها 500 أعطتها هي أختها 2يوم زواجها
كانت اختها تبي تختبره قالت لو أخذها مو رجال كفوا ,,
ومع الاسف آخذها في نفس الشهر اللي آخذ الدبله وبرضاها .. المشكله مو هنا المشكله أنها تحبه ,, وحتى لما حاولت افهمه أنه مايطمن ابداً والزواج عمر ,, مو شهر عشان
نعدي ونمشي ونغض الطرف عن أكبر الاخطاء ,, حسيت مافي آمان فيه ,,,ابداً ..
طبعا انصدمت لما قالت لي انه عمره 60 وهو قايلهم انا بـ 50 توي ..!
ذهبها كله وفلوسها كلها عند اهلها .. طبعاص هي بعيده عن اهلها بس مو ذاك البعد الكبير..
يجيبها بعد ثلاث اسابيع ويقعدها اسبوع كامل ولا يسأل عنها حتى لما تجي مايجيب
لها هدايا لاهلها ..وحتى فلوس ماصار يعطيها ..
نفسي تتركه أو تأدبه حرام تضيع عمرها مع شخص كذا .. !
ماحس بأمان لها وهي معاه ..
لمتى وهي ببترك فلوسها وصورها وذهبها عند اهلها خوف منه ..؟
لمتى وهي عايشه ببيتها شخص غريب ..!
حتى زوجته لما كانت تشوف الذهب لابسته
تغار تزعل ويجيها يقنعها انها تبدله وماتلبسه ..
تنازلت كثيرررر عن اشياء كثيره ..
حتى وهي حامل ما اهتم فيها ,, ولا راحت المستشفى
الا مره وحده وهي داخله ذحين بشهر 3..واسبوع وتدخل الـ4 /ربي يتمم لها على خير
ويرزقها يارب ياكريم ..
مره قاهرني ..كاسر خاطري ,, وحاز في نفسي أنها تعيش هذي الحياه أبداً مو هي اللي تتمناها ..
واخاف اتكلم أكون مثل الشيطان اللي يفرق بين الزوجين ,, خاصه انها تحبببه ..
واذا سكت احس اني ساكته على غيض ... ولما اشوف تصرف خاطئ منه وما أقولها
أحس اني أخدعها ,,, واخونها ,, أخاف يجي زمن تندم فيه بس ماراح يفيدها الندم ..
تعقدت من الزواج ماتتخيلوا قديش ..؟!
صرت اخاف منه ...
أقول لبابا أنتبه تجيني يوم وتقولي بكلمك بموضوع يابنتي جاء واحد يبي يخطبك ..!
صدقني راح انتحر على طول ..
تصدقوا ساعات أحس اني انا الزوجه الروحيه
لهذا الرجل أكرهه واعصب من تصرفاته وانقهر واتوجع واحس اني انا المظلومه
وحتى طفلها افكر فيه اللي لسه ماصار طفل بعده جنين وفي علم الغيب
لكن افكر في حياته ومستقبله وكيف راح اساعدها فيه ..وكم يحتاج من مصاريف
منذوا ولادته حتى زواجه .. وأقول بجمع لها من مالي عشان اساعدها لو احتاجته يوم .. وفعلا بدات شريت صندوق اسحب مبلغ كل شهر واحطه فيه على اساس انه لها ..
! ساعات ما أنام من التفكير .. وأقول لنفسي يابت انتي شو شاغلك
البت مبسوطه مع زوجها وراضيه ومرتاحه ليه محرقه دمك انتي ..؟
ايش يخصك ..؟
القي الجواب اني اعرف انها مظلومه ووانها انظلمت عن جد ..
حقدت عليه ,, وعلى كل شخص كان سبب وراء هذا الزواج وأولهم الناس اللي
حسسوها بالنقص بدونه ..!
العرض العادي
