يعني من قل المصايب صاب هذا الصدر [ضيق]
وإلا يعني من الحظوظ الزينه ورفع المكانه !!
ذي [حياتي] من مضيق في مضيق في مضيق
ولو بحثت الصبر فيني ماأجد للصبر خانه !!
عادتي لاضقت ادور [حضن وعيون]الرفيق
مشكله لآصار ضيقي منه وأحزآني عشانه!!
يوم قال [أسمح لي بأرجع ] وأنت كمل هالطريق
لازم تقدر وتنسى وننتهي كل وشانه !!
قلت [ صبرك ] يرحم الله والدينك ماأطيق
ماني ناقص فوق جرح أقدارنا جرح الخيانه !!
حاجتي لك [حاجة الأيتام] ويدين الغريق
طالبك طلبه تراني أعشقك صون الامانه !!
وراح ماكنه سمعني وإلتفت [لفتة طليق]
وقال أخيراً مابغينا ثم غنى ليل دانه !!
عندها أدركت فعلا قيمة[ الحب العتيق]
وقلت هذي آخرتها ماتجاوزت إمتحانه !!
ضيق صدر وجرح قلب ودمع عين ونشف ريق
هذا كل إللي جناه [الشاطر] بآخر زمانه
مدري كن الحزن فيني شاف له نعم الصديق !!
مدري يمكن كنت فعلا [كفو] للحزن وتكانه
والفرح كالثوب لكن لبسته لي ماتليق !!
دام لبسه لأي خاسر ماوراه إلاّ [الإهانه]
آآه ياحزني ترفق صاحبك جرحه عميق !!
أشهد إنك يارفيق العمر طيحت[ الميانه]
مثلي مثل اللي يراهن كل خلق الله بعشيق!!
والبلاء راهن ويدري [خاسر] عشقه ورهانه
ويعني من قل الخساير صاب ذاك الشاب ضيق !!
يكفي[ لا ]هالوقت وقته,,ولامكانه هو مكانه..