* فمان الله ~
يادرب على الهجر تحراني ..
خذاه الوقت من جنبي "
ولاجاني ولاجيته !!
قصيدي ياقصيدي اسكن في قلبي طرف ثاني ..
قبل يسكن بيوتي جِنّه وتمسي عفاريته ..
تعال اسأل نجوم الليل ياهاجر من ألهاني ؟
وأنا أعلمك بالوقت الطويل وكيف قضيته !!
بغيت أقوى على بعدك ..
وراح الصبر ماامداني !!
ربيعي ; ياخريفي ;
يا شتاي .. وصيفي ../ الهاني ..
تراك إنت الفصول .. وهجرة الشاعر وتشتيته ..
فضت كل الشوارع مالقيت اللي تريّاني ..
مثل طفل طلع يلعب ورد ومالقى بيته !!
تحداني ؟؟
حبيبي لاتحداني!!
أنا لولاك // لحن الهجر .. والونه ماغنيته ..
تمنيتك .. وقلت في خاطري :
ليته تمناني ..
وانا ماكل واحد شافته عيني تمنيته ..
على كيفك تذكّرني .. على كيفك تناساني ..
وأنا طاريك ولا يوم في قلبي تناسيته ..
زرعتك وردةٍ حمراء ..
تزين كل بستاني ..
دفت القلب في قربك.. مشاعرنا .. وخليته
أنا "المجني عليه " اللي يقدر " طعنة الجاني "
لأن جرحه يذكرني " بـ طاريه " لا حسيته