من ردى الحظ قلبي طول الايام خايف !
................... خايفٍ والليالي ما تجـي لـه بكيفـه
ما تجي له بكيفه مثل ما كان شايـف ..
................... غيب الايام جالـه بالحيـاه الكسيفـه !
الحيـاه الكسيفـه والعنـا والكلايـف ..
................... عقب عزه تعرقل بالظروف الكليفـه ..!
الظروف الكليفه والدمـوع الذرايـف
................... والسهر والترجي بعـد فرقـا وليفـه !!
بعد فرقا وليفـه مالقـا لـه ولايـف ..!
................... غيّم الجو واظلـم بالهمـوم العنيفـه ..
الهموم العنيفـه بالضلـوع النحايـف !
................... خلّت القلب يرجف بالظلوع النحيفـه ..
بالضلوع النحيفه عقب يأس وحسايـف ..
................... وش تفيد الحسايف والقدر حط سيفـه !