قـم نشـرب القهـوه وصـك الشبابـيـك
آســف تـعـال وضـمـنـي فـــي يـديـنـك
ودك نسـولـف عــن سواليفـنـا ذيـــك
يوم الأمل يركـض علـى رمـش عينـك
كنـا صغـار وضحكتـي ساكنـه فـيـك
وصرنـا كـبـار ودمعـتـي مــن سنيـنـك
ماتدري اني أحسـدك ليـه انـا اغليـك
ومـاتـدري انــي انحـسـد مــن حنيـنـك
كنـت اعـزم القمـرا اذا حـل طاريـك
وارســم عـلـى وجــه السـمـا شفتيـنـك
وامسك يدين الشمس ان ذقت حاليـك
يكفـيـنـي انــــي يـاحـيـاتـي ضـنـيـنـك
مــره نسيـتـك يومـهـا قـمـت اغنـيـك
واحـرث خيالـي قلـت اذكــرك ويـنـك
ويومي ذكرتك قمت اركض واناديك
ماقـلـتـلـك مـجـنــون بـيـنــي وبـيــنــك
اضحـك حبيبـي ياعـسـى الله يخلـيـك
كـلـي فــدى ضحـكـك وطـلـة جبـيـنـك
بس المهـم الحيـن وش ودك اعطيـك
كـلـي تـحـت امــرك وكـلــي رهـيـنـك
آمر..تدلـل..شـاعـرك بـيــن آيـاديــك
مـاعـاش منـهـو فـــي حـيـاتـه يهـيـنـك
تـبـي قصـيـده قلتـهـا قـبـل الاقـيـك؟؟
والـبـيـت الاول بالقـصـيـده يـديـنــك!!
لا لا تراي امزح انا اموت وارضيك
لكن ترى يصعـب علـي وصـف زينـك
والحيـن عـاد الحيـن صـك الشبابيـك
لاتـبـرد القـهـوه وانـــا اقـــول ويـنــك
راقت لي
العرض العادي
