رحنا مع باب ببيتنا احنا مانفتحه أبداً الا ماندر
قلت لأخوي وش جابك مع هالباب موب فاضيه امشي رح مع باب الفيلا
وهو الي يقول لا كأن أبوي يقول في رجال مدري عمال صيانة التكييف
وانا ماعندي وقت اناقش ونزلنا رحت غرفتي توني بنام لي شوي
قالت زوجة اخوي وين تنامين قومي ألبسي خلاص اذن المغرب
المهم دورت مامي ماحصلتها اخواتي
ماحصلتهم جدتي مهيب فيه
في شيء غريب جالس يصير وانا مو داااريه
باب الأوفيس الي فيه شباك يطل على بيتنا كامل مقفل وهو ماقد تقفل
توني بنزل الا اخوي بوجهي وين
انا بنزل اسوي لي كوفي مالقيت بالدولاب هنا
قالي ماتقدرين تطلعين العمال بوجهك
رجعت جلست اسولف مع زوجة اخوي
قالت لي طلبتك بصلح لك مكياج خفيف
وانا أقولها خلاص يختي يكفي مسكرآ وقلوس وكحل وش بعد
وتجلس تترجى فيني وقلت لها طيب خلاص بعد الموت ^_^ مسكينه
خلصت لبست واذن العشى وانا أحس بحركه غريبه بالبيت
وزوجة اخوي كل ثانيه يرن جوالها وتطلع وترد علي الباب
قالت لي بليز ميمي حطي هالمناكير
أدري بعد ماتحبين المنآكير بس طلبتك طلبتك
قلت لها شفتي تسريحتي رغم ان فيها جميع الأالوان الا انو ماحب ماحب
زوجة اخوي : انتي ليش غير عن البنات يختي البنات يحبون يحطون
انا : احس عندكم شيء صح
هي تناظرني بوجه مستغرب : شيء مثل وشو
انا : مدري بس أحس أجل مامتي واخواتي وينهم
هي سكتت وقالت أنهم برآ لأنو لمن جو العمال ماقدرووو يدخلون فجلسوو بالقسم الي برا
المهم خلصت ولبست وحطيت كل الي تقوله زوجة اخوي
وانا كاررررهه هالشيء بس يالله رحمتها اول مره تطلبني شيء
وجينا بننزل قلت استني بجيب عبايتي
قالت ليش
قلت عشان نروح عزيمتك
قالت لا لا تونا استني خل ننزل الحين نشرب لنا اي شيء وبعدين نرجع
وجدتك مشتاقه لك تحت
مادري ليش وقتها نغزني قلبي
وبعد ين بس نزلت توني افتح باب الفيلا وبنطلع للحوش
الا أشوف كراسي وطاولات حفل
وأشوف الأنوار والاِشياء كذا مادري ماقدر اوصفها
ألتفت على زوجة اخوي ما القاها وراي
قلبي مادري ذاك الوقت مادري معاد حسيت فيه
توني برجع غرفتي خفت انو فيه رجال شيء
بعدين مدري الفضول خلاني اروح للقسم الي برا
توني بدخل الا اشتغل صوت اغنيه
واشتغلت انوار كل اللي اتذكره اشوف ناس كثير
وأشوف بلونات طارت بوجهي
وأشوف صديقاتي
وأشوف أروتي الي كيف جابوها لي
وأشوف مامتي وقريباتي الي احبهم
انا مصدومه مو مستوعبه
واتفرج وصمت عآآآرم أبي أحط يخبطني يمكني أحلم
*_*
شويات الاقي زوجة اخوي بوجهي وجايبه
قالب كييييييك كنت أوريها أياه أقولها هذا الي بحجزه لحفلتي
وحشوته رآح تكون الحشوة التشوكليت الي احبه فريرو روشيه
شوي ألتفت القاي تصاميم رجال بالون على شكل واحد متخرج
شوي التفت الا قريباتي وصديقاتي علي دآآآئره ويصارخون
شوي اشوف مامتي تبكي وأبكي معاها ههههههههههههههههههههههههههههه
شعور ماقدر أوصفه بجد
كان يووووووم سكنتني سعاااااده رغم اني كرهت نفسي هلأسبوعين
الي طافت وكنت حيل متضايقه وكنت مستغربه ليش اهلي يعاملوني كذا
وانا مو متعوده احد يعاملني كذا
وكل شيء كوووووووووووم وأروى كوووووم لأنها بعد كانت تكلمني هذيك الأيام من دون نفس وزعلت كذا مررره علي
ومرات ماترد علي
يآرب يآرب يخليهم لي
بجد بجد الي سووووه لي نساااااااني حاجات كثيييييييييييييره
وأسعدني حد الاااااامعقووووووووووووووووووووووووول
الحمدالله يآرب أنا أمتلك كنوز اخرى غير تلك التي فقدتها
أدري طووولت كثير وأنا اسولف
بس حبيت تعيشوون شعوري
يالله انا بطلع اكمل نوووم فيني نوم يكفي ديره كاااااامله ^_^
تتمسون على خير ^_^
العرض العادي
