خاوا جروحه وخلاهـا علـى ربّـه
ذي آخر أخبار (قلبي) يا مشاويري
**
اكله ذهول !! وهبـوب الغبنـه تهبّـه
مغبون .. وعتابه اصدق من معاذيري
**
القلب (مركب سهر) والريح تلعبـــه
والموج ما يرحم ذنوبـي وتقصيـري
**
والحب : غبّه ورى غبّه ورى غبّـه
فقدت فيها ثـلاث اربـاع تفكيـري!
**
مرات اقول الخطا مني وانـا السبّـه
ومرات اقول السبب قسـوة مقاديـري
**
وعيني اللي تهـل الدمـع وتصبّـه
على فراق ٍ سرق فرحـة تباشيـري
**
تقول سامح زمانـك والحـزن خبّـه
واقول منهو يعوضنـي مخاسيري؟
**
وشلون اسامح زماني واللـي آحبّـه
خذاه غيري وانا اولى فيه من غيري!
. 
العرض العادي
