يقول طاوعني ولا تجيب سيره=أبنصحك يا عمل في الأمر خيره
طّوف علشان أتتعدل أمورك=وجامل خصوصاً فالأمور الكبيره
سولف مع هذا وهذا وهذا=حتى اللي ما يفهم بشيء أستشيره
رفّع لخلق الله وضبط معاهم=الدنيا حرب أختار دورك وصيره
أما تكون سلاح والناس هذي=ذخيرتك والا تكون الذخيره
ونافق أشفيها يعني لما تنافق؟=لا بأول ذنوبك ولاهي الأخيره
وأكذب يا عمي اصلاً الكذب متعه=يكفيك من شره ويعطيك خيره
وإذا بلاك الله بقول الصراحه=قول الصراحة في الأمور الصغيره
أزعجتنا بالصح والحق والصدق=الصدق ما ودى هل الصدق ديره
خلص كلامه صاحبي وأنا ساكت=ومن عقب ذاك اليوم .. صاحبت غيره
الشاعر عبدالله علوش
العرض العادي
