ياصاحبي للحين عندي أمل فيك
عندي أمل في مقبلات الليالي
هذي سنه مرّت وانا في تحريك
أنطر رجوعك يابعد كل حالي
ياليت تدري قلبي شكثر مغليك
وليتك تحس بلهفتي وإنشغالي
ماكان بعت اللي من الناس شاريك
اللي على شانك رخص كل غالي
احتاجلك في كل لحظه واناديك
مامر يوم إلا تجي وسط بالي
والله ( أحبك ) حب مافيه تشكيك
والله ( أحبك ) حب وصفه خيالي
أنت الذي لاغبت عني أحاتيك
كني احاتي واحد ٍ من عيالي
من كثر ماني صرت احاتيك واطريك
مرات أبي عمي اناديه .... خالي
ماقمت أجمع بين ذولا وذوليك
ولاهمني غيرك من اول وتالي
تكفى ترد وتشبك ايدّي بيديك
ترى رجوعك بس هو راس مالي
وإن كان ودك تعرف شكثر مغليك
؟؟ هذي سنه مرّت ودايم في بالي
العرض العادي
