الموهيم بعدها طلعنا لأستراحه قبل العيد ولعبنا وأنبسطنا الحمدالله
بس اللي صار تحمسو البنات وقالو أيش رايكم نلعب بالملعب كوره
بالنسبه لي اعرف العب الحمدالله خبره لمن كنت صغيرا
كان بيتنا الي كبري كلهم اولاد فكنت دايم ألعب معاهم ما أعترف بشيء اسمه
عرايس وألعاب بنات لدرجه كنت اتحمس وألعب لوحدي لمن يكونون اخواني وعيال عمي يلعبون بالشارع
انا العب كوره لوحدي ومعلق وحكم بنفس الوقت لا وأقلد رميات كابتن ماجد <<< برأأأ
الموهيييم لعبنا كوره انا والبنات وكان الحراس أولاد عماتي كلهم رايحين اولى ثانوي
والباقين فريقين بنات
وتعالوو شوفو كيف لمن يرمون الكوره الهواء ينرمي
طبعا تحمست انا مره وأتفنن عليهم وكنت واقفه على مكان ومستعده أرمي الكوره
أثاري المكان الي واقفه عليه كان طين وانا من النوع الي أستخدم الرجل اليسار واليد اليسار كل شيء يسار
جعلي من أصحاب اليمين يارب والي يقروون ^_^
المهم فجأه كل البنااات هاجمين علي انا اتذكر انو كنت برمي الكوره بالرجل اليسار
والله رجلي اليمين مالها دخل مسكينه بحالها ماسوت شي والبنات يبون يشوتون الكوره
شاتوو رجلي اليمين تخيلوو البنات هاجمين علي سته وانا مادري كيف طرت من الأرض وطحت
ومشكله انو قمت ونظفت ملابسي من الطين ورجعت كملت العب مع انها كانت تعورني بس ماكنت ابي فريقي
يخسر لأن احنا لعبتنا مو بلأهداف كانت
الي بينسحب من اللعب هو الخسرااان << امحق والله يعرفون يلعبون
وبعد كذا فاز فريقي طبعاً
كانت تألمني بس انا من النوع ماحب اتكلم وأقول شي يعورني سكت وتحملت
والكل لمن طحت جا عندي كانت فيني الصيحه بس بلعتها وضحكت وقلت كملو مافيني شي
وبعد السحور رجعنا البيت وأهلي كلهم نامو لمن جيت انام
بديت أتألم وخلاص جلست ابكي معاد قدرت خفت انو ماما او احد يسمعني ويخافون
وكلمتني زوجة اخوي تطمن ولمن سمعت صوتي انهبلت وقلت لها وقالت قومي خالي بسرعه خير
يمكن كسر قلت لا خير بسم الله علي ولول كسر كان تورمت لاتفاولين علي
وجتني هوشه قالت اجل في احد يلعب كوره مجنونه انتي وبنات عماتك وعمك اجن منك ماخليتو شي للأولاد
وانا
شوي قلت لها خلاص نوني انتي نامي انا بتحمل وبنام واذا مره مره ماقدرت كلمت بابا
وبعد كذا قفلت منها بس ماقدرت واخر شي استسلمت للأمر الواقع وقمت اكلم ابوي
لأني مابي اروح المستشفى اخاف شي اسمه جبس او يقولون شي <<< تكرة المستشفيات كره العمى واليهود
وبعد كذا كنت اكلم بابا واحس وقتها كأنو نوافي ولد اخوي وانا
بابا خاف لأنو ماتبكي ملاك الا شيء مره خلاص ماتتحمل
ولمن رحت صارت الدعوه أربطه لأن الرجل مسكينه والله رحمتها ذاك الوقت
ولفو لي رجلي بشيء فيه حديد عشان تتثبت القدم وبس رجعت البيت الكل درا
كلمني ولد عمتي وقال وقسسسسم بالله اسف ميمي والله مكان قصدي
قلت وشو ليش تتأسف
يقول كنت اناظرك وأنتي تلعبين واقول رجلها مثل خالي ترمي الكوره بقوه
بس والله اني قلت مشاءالله اخاف انا الي عطيتك عيييين
وانا مت ضححححححك وقتها على الرغم من انو تعورني هههههههههههههههههههه
شوي يناظرني اخوي قال الله العالم ان الثالثه ياملاك ثابته وبتصير كسر
المره الأولى سلمتي والثانيه اربطه اخر وحده مدري وش بتصير انبتهي بس
^_^ <<< ماحد يضحك
الحمدالله كانت ايام حلوه وأيام العيد بعد حلوه ومواقف حلوه وناس بحياتي اتمنى ربي مايحرمني منهم
اخواني بنات عمي وعماتي بنات خالاتي صاحبااتي وأروى تؤم روحي ومرة اخوي ياويلي عاد انساها اول وحده
اللهم وفقني في أخر مشوآري وأرزقني فرحه تجعلني أسجد لك بآكيه
اللهم أمييييين
الحمدالله تضبطت خطت جدولي مثل ما أبي والحين خلاص اخر مشوآري بالجامعه
بتخرج هذا السمستر وان شاءالله مو نهاية طموحي لأني ما أطمح للوظيفه بس انو أرتقي بنفسي قبل
وأحقق الشيء الي يتمناه والدي لي وأخواني
يارب لك الحمد يارب وفقني وكل من سعى لطلب علم او اي حاجه من أمور الدنيا والأخره
طبعاً لمن الحين ماداومت الجامعه بداوم السبت ان شاءالله
اليوم كسل وخموول ماودي اقوم من السرير ابداً اقوم اصلي أرجع اكمل نوم
لمن أذن العشآء جتني اختي الصغيرا وقال انو جدتي تبيك انزلي لها
ولمن نزلت قالت لي جيبي ورقه وقلم يابنيتي ^_^
وأنا الي أروح اجيب لها ورقه وقلم
وقالت أكتبي هالشعر اللي بقوله
هي لبى قلبها جعلني فدا لرجولها تشعر
وهالمره اشعرت لأجل موقف صار وهي زعلانه منه
وحده من بناتها الي تصير عمتي طبعاً *_*
سافرت وخلت زوجها وعيالها بدافع السياحه وعلى أساس انها بترووح مكان قريب مع ولد اختها
اثرها يوم وصلت دقت وسلمت وعرفنا انها على قولة جدتي رايحه لديار الكفار ^_^ <<< أحبهاااا جدتي
طبعا جلست تشعر وتعاتب وانا ضاق صدري من كلمات جدتي ياجعلني ما افقدها
يوم قالت
ياا.... امك دموعها على خدها كل ماشافت أطفال
اعذرووني ماقدر اكتب باقي الكلمات *_*
وهي كتبتها اليوم لأن موعد وصولهم اليوم الفجر فقالت تعالي واكتبيها لي خل
ارسل الورقه لبيتها عشان لاوصلت بناتها يخلونها تقراها
الثالثه الله وأعلم ياملاك انها ثآآبته
صبآآح الخير
العرض العادي
