ياحسبي الله عد مارفرف الطـير
أغنى بلد بالنفط وأكـثر بطاله ..!
المسأله طالت وتحتاج تبـرير
حق الشعب يسأل وش اللي جراله
ابن البلد خضّـار ويبيـع جرجير
والأجنبي مكتب و مرتاح باله ..!
لا والذي زاد المتاهات تعسـير
حتى الموظف ماصفاله حـلاله
بين القروض وبين نهـش الهوامير
ضاع الضعيف وضيّع السوق ماله
للي حصل ويصير نحتاج تفسير
نبي حلول الحين ماهـيب حاله
لا مانبي تخدير نبغاه تغيير
نبي الحقايق تتضح والعداله
من منطلق واقع أنا أطلقت تقـرير
ولخادم البيتين هذي رساله
أما نعيش بجد وبعز وبخـير
وإلا نموت أبرك من نعيش عاله
العرض العادي
