عقبال ياماخذ فؤادي مية عام ..
.. ضيعتني منك وانا ما اهتديتك
لا ..ما نسيتك كيف بانساك ما دام ..
.. ذكرى الفراق تهزني لو نسيتك
لك في الضمير الود والحشمه اتوام ..
.. ولي في ضميرك مثل ما انا بغيتك
ولك منزل في نايف القلب وخيام ..
.. وذود الغلا ترعاه ولا شكيتك
وكنك معي وانا فقدتك من اعوام ..
.. مع الخيال القاك كني لقيتك
من صعب وصلك ما تهنيتك احلام ..
.. وان جابتك فزيت شوق ومحيتك
يعني وصالك صعب واهدافي اوهام ..
.. يعني زرعتك للقدر ماجنيتك